ന്യൂഡൽഹി: വനിതകളുടെ സാൻഡ 60 കിലോഗ്രാം വിഭാഗത്തിൽ വെള്ളി മെഡൽ നേടിയ ഇന്ത്യൻ വുഷു താരം നയോറം റോഷിബിന ദേവിയെ പ്രധാനമന്ത്രി നരേന്ദ്ര മോദി അഭിനന്ദിച്ചു. തുടർച്ചയായ മൂന്ന് ഏഷ്യൻ ഗെയിംസുകളിലും മെഡൽ നേടിയത് ശ്രദ്ധേയമായ നേട്ടമാണെന്ന് പ്രധാനമന്ത്രി പറഞ്ഞു. റോഷിബിന ദേവിയുടെ സ്ഥിരത, ധൈര്യം, നിശ്ചയദാർഢ്യം എന്നിവ അഭിനന്ദനാർഹമാണെന്നും അദ്ദേഹം വ്യക്തമാക്കി. താരത്തിന്റെ വരാനിരിക്കുന്ന മത്സരങ്ങൾക്കും ഭാവി നേട്ടങ്ങൾക്കും പ്രധാനമന്ത്രി ആശംസകൾ നേർന്നു. എക്സിൽ പങ്കുവെച്ച കുറിപ്പിലൂടെയാണ് പ്രധാനമന്ത്രി റോഷിബിന ദേവിയെ അഭിനന്ദിച്ചത്.
Thursday, September 24, 2026
