ന്യൂഡൽഹി: ഇന്ത്യയിലെ ചെസ് ഗ്രാൻഡ്മാസ്റ്റർമാരുടെ എണ്ണം 100 ആയി ഉയർന്നതിൽ പ്രധാനമന്ത്രി നരേന്ദ്ര മോദി സന്തോഷം പ്രകടിപ്പിച്ചു. ഇന്ത്യയുടെ നൂറാമത് ചെസ് ഗ്രാൻഡ്മാസ്റ്ററായി മാറിയ അനൂജ് ശ്രീവത്രിയെ പ്രധാനമന്ത്രി അഭിനന്ദിച്ചു.
എക്‌സിലൂടെയാണ് പ്രധാനമന്ത്രി ആശംസകൾ അറിയിച്ചത്. ഇന്ത്യൻ താരങ്ങളുടെ കഴിവും അർപ്പണബോധവും കഠിനാധ്വാനവുമാണ് ഈ നേട്ടത്തിന് പിന്നിലെന്നും യുവാക്കൾക്കിടയിൽ ചെസിനുള്ള വർധിച്ചുവരുന്ന ജനപ്രീതിയുടെ തെളിവാണിതെന്നും അദ്ദേഹം പറഞ്ഞു.
രാജ്യത്തിന്റെ വിവിധ ഭാഗങ്ങളിൽനിന്നുള്ള യുവപ്രതിഭകൾ അന്താരാഷ്ട്ര തലത്തിൽ മികവ് തെളിയിക്കുന്നത് ഏറെ സന്തോഷകരമാണെന്നും ഈ നേട്ടം കൂടുതൽ യുവാക്കളെ ചെസിലേക്ക് ആകർഷിക്കുമെന്ന് പ്രതീക്ഷിക്കുന്നതായും പ്രധാനമന്ത്രി കൂട്ടിച്ചേർത്തു.
