ന്യൂഡല്ഹി: പ്രധാനമന്ത്രി നരേന്ദ്രമോദിയുടെ ബിരുദവുമായി ബന്ധപ്പെട്ട വിവരങ്ങള് പുറത്തുവിടേണ്ട എന്ന് ഡല്ഹി ഹൈക്കോടതി. നരേന്ദ്രമോദിയുടെ ബിരുദ വിവരങ്ങള് വെളിപ്പെടുത്തുന്നതുമായി ബന്ധപ്പെട്ട് കേന്ദ്ര വിവരാവകാശ കമ്മീഷന്റെ (സിഐസി) ഉത്തരവ് തള്ളിയാണ് ഡല്ഹി ഹൈക്കോടതിയുടെ വിധി.
നീരജ് എന്നയാള് നല്കിയ വിവരാവകാശ അപേക്ഷയെത്തുടര്ന്ന്, പ്രധാനമന്ത്രി നരേന്ദ്ര മോദിയുടെ അടക്കം 1978ല് ബിഎ പരീക്ഷ പാസായ എല്ലാ വിദ്യാര്ഥികളുടെയും രേഖകള് പരിശോധിക്കാനാണ് 2016 ഡിസംബര് 21ന് സിഐസി അനുമതി നല്കിയത്. ഇതിനെ ചോദ്യം ചെയ്താണ് ഡല്ഹി സര്വകലാശാല കോടതിയെ സമീപിച്ചത്.
