തൃശ്ശൂർ: മഹാശിവരാത്രിയുടെ പുണ്യദിനത്തിൽ വടക്കുംനാഥൻ ക്ഷേത്രസന്നിധിയിൽ ‘ശ്രീ വടക്കുംനാഥൻ ഗാനം’ സമർപ്പിച്ചു. “ഹിമഗിരി ശൃംഗത്തിൽ ശക്തി കൈലാസം… തൃശ്ശിവപേരൂരിൽ മഹിമ തൻ കൈലാസം…” എന്ന് ആരംഭിക്കുന്ന ഗാനം രചിക്കുകയും ആലപിക്കുകയും ചെയ്തത് അഡ്വക്കേറ്റ് എം.ആർ. രമേഷ് പണിക്കർ (മമ്മിയൂർ കളരി, ഗുരുവായൂർ) ആണ്. Retd.ഡി .ഇ .ഒ . സേതുമാധവൻ.കെ.ആർ . അധ്യക്ഷതയിൽ പ്രസ്തുത ഗാനം അടങ്ങുന്ന ഫോട്ടോ വടക്കുംനാഥനു വേണ്ടി സമർപ്പണം നടത്തുകയും ചെയ്തു. വടക്കുംനാഥനു സമർപ്പിക്കുന്നതിനായി ഗാനത്തിന്റെ ഫോട്ടോ കൊച്ചിൻ ദേവസ്വം ബോർഡ് പ്രസിഡൻറ് രവീന്ദ്രൻ കെ. സ്വീകരിക്കുകയും ചെയ്തു. ക്ഷേത്രത്തിലെ ഭക്തർക്കായി ഗാനം കേൾക്കുന്നതിനായി റെക്കോർഡ് ചെയ്ത പെൻഡ്രൈവും ക്ഷേത്രത്തിനു സമർപ്പിച്ചു.
