ന്യൂഡൽഹി: ട്വന്റി20 ലോകകപ്പിൽ പങ്കെടുത്ത ടീമുകൾക്കുള്ള സമ്മാനത്തുകയുടെ വിശദാംശങ്ങൾ ഐസിസി പുറത്തുവിട്ടു. ടൂർണമെന്റിൽ പങ്കെടുത്ത എല്ലാ രാജ്യങ്ങൾക്കുമായി ആകെ 11.25 മില്യൺ ഡോളർ (ഏകദേശം 103 കോടി രൂപ) സമ്മാനമായി അനുവദിച്ചതായി അറിയിച്ചു. ടീമുകളുടെ പ്രകടനത്തെ അടിസ്ഥാനമാക്കിയാണ് ഈ തുക വിതരണം ചെയ്യുന്നത്.
ടൂർണമെന്റിൽ ചാമ്പ്യന്മാരായ ഇന്ത്യയാണ് ഏറ്റവും കൂടുതൽ സമ്മാനത്തുക നേടിയത്. ഇന്ത്യയ്ക്ക് 26,39,423 ഡോളർ (ഏകദേശം 24.25 കോടി രൂപ) ലഭിച്ചു.
ഫൈനലിൽ റണ്ണേഴ്സപ്പായ ന്യൂസിലൻഡിന് 14,22,692 ഡോളർ (ഏകദേശം 13.08 കോടി രൂപ) ലഭിച്ചു.
സെമിഫൈനലിൽ പുറത്തായ ദക്ഷിണാഫ്രിക്കയ്ക്ക് 10,05,577 ഡോളർ (ഏകദേശം 9.24 കോടി രൂപ) ലഭിച്ചു. ഇംഗ്ലണ്ടിന് 9,74,423 ഡോളർ (ഏകദേശം 8.96 കോടി രൂപ) ലഭിച്ചു.
അതേസമയം പാകിസ്താനിന് 5,22,692 ഡോളർ (ഏകദേശം 4.80 കോടി രൂപ) ആണ് ലഭിക്കുക.
ഗ്രൂപ്പ് ഘട്ടം, സൂപ്പർ എട്ട്, സെമിഫൈനൽ തുടങ്ങിയ ഓരോ ഘട്ടവും കടന്നെത്തുന്ന ടീമുകൾക്ക് അവരുടെ പ്രകടനത്തിന് അനുസരിച്ചാണ് സമ്മാനത്തുക നിശ്ചയിച്ചതെന്ന് അധികൃതർ അറിയിച്ചു.
