അമേരിക്കക്ക് കടുത്ത മുന്നറിയിപ്പുമായി ഇറാൻ രംഗത്ത്. കരയുദ്ധത്തിനാണ് നീക്കാമെങ്കിൽ അതിശക്തമായി തിരിച്ചടിക്കാനാണ് തങ്ങളുടെ തീരുമാനമെന്ന് ഇറാൻ സൈനിക വക്താവ് ഇബ്രാഹിം സോൽഫഘാരി അറിയിച്ചു. കരയുദ്ധത്തിന് അമേരിക്ക ശ്രമിക്കുകയാണെങ്കിൽ പേർഷ്യൻ ഉൾക്കടലിലെ സ്രാവുകൾക്ക് യുഎസ് സൈനികരെ ഭക്ഷണമാക്കാൻ ഇട്ടുകൊടുക്കുമെന്നാണ് സോൽഫഘാരി വീഡിയോ സന്ദേശത്തിലൂടെ അറിയിക്കുകയായിരുന്നു. 3500 സൈനികരുമായി യുഎസിന്റെ പടക്കപ്പൽ യുഎസ്എസ് ട്രിപ്പോളി മധ്യപൂർവദേശത്തെത്തി എന്ന വാർത്തയ്ക്ക് പിറകെയാണ് ഇബ്രാഹിം സോൽഫഘാരിയുടെ പ്രതികരണം.
