ജനവിശ്വാസം സുരേഷ് ഗോപിയ്ക്കൊപ്പമാണ്. സുരേഷ് ഗോപിയ്ക്ക് തൃശ്ശൂരിൽ മാറ്റങ്ങൾ കൊണ്ടുവരാൻ സാധിക്കും; എന്നാണ് തൃശ്ശൂരിലെ ജനങ്ങൾ ചിന്തിക്കുന്നതെന്നും അദ്ദേഹം പറഞ്ഞു.
കഴിഞ്ഞ മൂന്ന് ദിവസമായി ഞാൻ തൃശ്ശൂർ ലോകസഭ മണ്ഡലത്തിൽ വിവധ സ്ഥലങ്ങളിൽ പര്യടത്തിലാണ്. ആ പര്യടനത്തിൽ ജനങ്ങൾ പ്രകടിപ്പിച്ച വികാരമാണ് താൻ പറയുന്നത്.
സുരേഷ് ഗോപിയ്ക്ക് തൃശ്ശൂരിന്റെ വികസനത്തിനു വേണ്ടി ഒട്ടേറെ കാര്യങ്ങൾ ചെയ്യാനാവും. അദ്ദേഹം അത് ചെയ്യുകതന്നെചെയ്യും; എന്ന വിശ്വാസത്തിൽ തന്നെയാണ് ജനങ്ങൾ ഇത്തവണ അദ്ദേഹത്തിനെ വിജയിപ്പിക്കുക എന്നും അൽഫോൺസ് കണ്ണന്താനം വിശദീകരിച്ചു.
ജനങ്ങൾ പ്രകടിപ്പിച്ച വികാരം വോട്ടായി മാറും. സുരേഷ്ഗോപി വിജയിക്കും. വാർത്താസമ്മേളനത്തിൽ അൽഫോൺസ് കണ്ണന്താനം പറഞ്ഞു.
കേരളത്തിനകത്ത് തമ്മിൽ തല്ലി സംഘർഷം ഉണ്ടാക്കുന്നവരാണ്. എന്നാൽ കേരളത്തിന് പുറത്ത് ഒന്നിച്ചു നിൽക്കുന്നു.കേരളത്തിലെ യുഡിഎഫ് ഉം എൽഡിഎഫ് ഉം ജനങ്ങളെ വഞ്ചിക്കുകയാണ്. വിഡ്ഢികളാക്കാൻ ശ്രമിക്കുകയാണ്.
അത് ജനങ്ങൾക്ക് ബോധ്യപ്പെടുന്നുണ്ട്.
അതിൻറെ പ്രതിഫലനം ലോകസഭാ തിരഞ്ഞെടുപ്പിൽ ഉണ്ടാകും. തൃശ്ശൂർ പാലക്കാട് തിരുവനന്തപുരം ഉൾപ്പെടെ ഒട്ടേറെ മണ്ഡലങ്ങളിൽ എൻഡിഎ മുന്നണി വിജയിക്കുമെന്നും അദ്ദേഹം പറഞ്ഞു.
ഭാരതം അതിൻറെ “അമൃത കാല”ത്തിൽ വൻ വികസന കുതിപ്പിലാണ്.
ലോകത്തിൽ ആകെ എടുത്താൽ, സാമ്പത്തിക വളർച്ചയും മുന്നേറ്റവും നടത്തുന്നത് ഭാരതം മാത്രമാണ്. നിരവധി വികസന പദ്ധതികളാണ് നരേന്ദ്രമോദി നേതൃത്വം നൽകുന്ന സർക്കാർ രാജ്യത്ത് ആകെ നടപ്പിലാക്കി കൊണ്ടിരിക്കുന്നത്.
എന്നാൽ കേരളത്തിൽ വികസന മുരടിപ്പാണ് ഇവിടുത്തെ സർക്കാർ ജനങ്ങൾക്ക് നൽകുന്നത്.
കേരളത്തിലെ സഹകരണ സംഘങ്ങളെ ഇവർ കൊള്ളയടിക്കുകയാണ്.സാധാരണക്കാരന്റെ സഹകരണ ബാങ്കുകളെ കൊള്ള ചെയ്യുന്നവരെ, അവർ എത്ര ഉന്നതരായാലും പിടികൂടുക തന്നെ ചെയ്യും എന്നും അദ്ദേഹം പറഞ്ഞു.
നമ്മുടെ രാജ്യത്ത് ഒരു കുറ്റം നടന്നാൽ, ആ കുറ്റം ചെയ്യുന്ന പ്രതിയെ പിടികൂടാൻ ഇലക്ഷൻ കഴിയുന്നതുവരെ കാത്തിരിക്കേണ്ട കാര്യമില്ലെന്നും അൽഫോൺസ് കണ്ണന്താനം വാർത്താ സമ്മേളനത്തിൽ കൂട്ടിച്ചേർത്തു..
