പശ്ചിമേഷ്യൻ സംഘർഷത്തെ തുടർന്നുണ്ടായ സാമ്പത്തിക സമ്മർദ്ദങ്ങളുടെ പശ്ചാത്തലത്തിൽ, സ്വർണത്തിന്റെയും വെള്ളിയുടെയും ഇറക്കുമതി തീരുവ കേന്ദ്ര സർക്കാർ 15 ശതമാനമായി ഉയർത്തി. വിദേശ വാങ്ങലുകൾ കുറയ്ക്കുകയും രാജ്യത്തിന്റെ വിദേശനാണ്യ ശേഖരം സംരക്ഷിക്കുകയുമാണ് നടപടിയുടെ പ്രധാന ലക്ഷ്യം.
പുതുക്കിയ തീരുവയിൽ കസ്റ്റംസ് ഡ്യൂട്ടിയും അധിക സെസും ഉൾപ്പെടുന്നുവെന്ന് കേന്ദ്ര സർക്കാർ വൃത്തങ്ങൾ അറിയിച്ചു. വ്യാപാര കുറവ് നിയന്ത്രിക്കാനും രൂപയുടെ മൂല്യം സ്ഥിരതയാർജിക്കാനും ഇത് സഹായകരമാകുമെന്നാണ് വിലയിരുത്തൽ. കഴിഞ്ഞദിവസം രൂപയുടെ മൂല്യം കുത്തനെ ഇടിഞ്ഞിരുന്നു. ഒരു യുഎസ് ഡോളറിനു 95.74 രൂപയാണ് നിലവിലെ മൂല്യം.
