ശബരിമല: ശബരിമല ക്ഷേത്രനട നാളെ ഭക്തർക്കായി തുറക്കുന്നു. നാളെ ഭക്തർക്കുള്ള ദർശനവും പുതിയ മേൽശാന്തിമാരുടെ സ്ഥാനാരോഹണവും മാത്രമേ ഉണ്ടാകൂ; പൂജകൾ നടക്കില്ല.
വൈകിട്ട് അഞ്ചിന് തന്ത്രി കണ്ഠർ രാജീവരും കണ്ഠർ ബ്രഹ്മദത്തനും സാന്നിധ്യത്തിൽ നിലവിലെ മേൽശാന്തി പി.എൻ. മഹേഷ് ശബരിമല ക്ഷേത്രനട തുറക്കുന്നു. തുടർന്ന് മാളികപ്പുറം ക്ഷേത്രത്തിന്റെ നട തുറക്കാനായി മേൽശാന്തി പി.എം. മുരളിക്ക് താക്കോലും ഭസ്മവും കൈമാറിയ ശേഷമാണ് പതിനെട്ടാംപടിയുടെ വാതിൽ ഭക്തർക്കായി തുറക്കുന്നത്.
പുതിയ മേൽശാന്തിമാരായ എസ്. അരുണ്കുമാർ നമ്പൂതിരി (ശബരിമല)യും വാസുദേവൻ നമ്പൂതിരി (മാളികപ്പുറം)യും വൈകിട്ട് ആറിന് തന്ത്രി കാര്മികത്വത്തില് ചുമതലയേറ്റു മഹാരുദ്രാഭിഷേകവും കലശപൂജയും നിർവഹിക്കും.
