ന്യൂഡല്‍ഹി: എംഎല്‍എ സ്ഥാനം രാജിവച്ച പിന്നാലെ പിവി അന്‍വറിനെ തൃണമൂല് കോണ്‍ഗ്രസ് കേരള ഘടകത്തിന്റെ കണ്‍വീനറായി നിയമിച്ചു. തൃണമൂല് അധ്യക്ഷ മമതാ ബാനര്‍ജിയുടെ നിര്‍ദേശാനുസരണമായാണ് ഈ നിയമനം നടത്തിയത് എന്നതാണ് പാര്‍ട്ടി വാര്ത്താക്കുറിപ്പില്‍ വ്യക്തമാക്കിയിരിക്കുന്നത്.
സംസ്ഥാനത്ത് പാര്‍ട്ടി ശക്തിപ്പെടുത്തുന്നതിന്റെ ഭാഗമായി മുതിര്‍ന്ന തൃണമൂല് നേതാക്കളുടെ സംഘം കേരളത്തിലെത്തുമെന്ന സൂചനകളുണ്ട്. നിലവില്‍ സംസ്ഥാനത്തിന്റെ ചുമതല സുസ്മിത ദേവും മഹുവാ മൊയ്ത്രയുമാണ് വഹിക്കുന്നത്. നേതാക്കളുടെ സന്ദര്‍ശനത്തിനൊത്തിയ്‍ക്കാണ് പാര്‍ട്ടിയിലെ നേതൃസ്ഥാനങ്ങളില്‍ കൂടുതല്‍ പേരെ നിയമിക്കുന്നതുള്‍പ്പെടെയുള്ള നടപടികള്‍ കൈക്കൊള്ളുക.
രാവിലെ സ്പീക്കര്‍ എ.എന്‍. ഷംസീറിനെ നേരില്‍ക്കണ്ടാണ് പിവി അന്‍വര്‍ രാജിക്കത്ത് കൈമാറിയത്. തൃണമൂല് കോണ്‍ഗ്രസിന്റെ ഭാഗമായതിനു പിന്നാലെയാണ് അയോഗ്യത ഒഴിവാക്കാനായി അദ്ദേഹം രാജിവെച്ചത്. നേരത്തെ ഇമെയില്‍ വഴി രാജിക്കത്ത് അയച്ചിരുന്നെങ്കിലും ഔപചാരികമായി നേരിട്ട് കൈമാറുകയായിരുന്നു.
ഇടതുപക്ഷവുമായി പിവി അന്‍വറിന് തര്‍ക്കം ഉണ്ടായതിനു ശേഷമാണ് തൃണമൂല് കോണ്‍ഗ്രസില്‍ ചേര്‍ന്ന് എംഎല്‍എ സ്ഥാനം രാജിവച്ചത്. രാജി സ്വീകരിച്ചതിനു ശേഷം ബംഗാളിലെത്തി മമതാ ബാനര്‍ജിയെ നേരിട്ട് കാണാനും ടിഎംസി അംഗത്വം സ്വീകരിക്കാനുമാണ് അന്‍വറിന്റെ തീരുമാനം. ബംഗാള്‍ മുഖ്യമന്ത്രിയോട് വീഡിയോ കോണ്‍ഫറന്‍സിലൂടെ കേരളത്തിന്റെ വന്യജീവിനിയമം ഉള്‍പ്പെടെയുള്ള വിഷയങ്ങളില്‍ അന്‍വര്‍ വിശദീകരണം നല്‍കിയതായി അദ്ദേഹം വ്യക്തമാക്കി.
തൃണമൂല് കോണ്‍ഗ്രസുമായി സഹകരിച്ചുപോകുകയാണെങ്കില്‍ പാര്‍ലമെന്റില്‍ ഇക്കാര്യം ഉന്നയിക്കുമെന്ന് മമതാ ബാനര്‍ജി ഉറപ്പുനല്‍കിയതായും ഇന്ത്യാ മുന്നണി ഈ വിഷയം ഒറ്റക്കെട്ടായി ഉന്നയിക്കുമെന്ന് മമത പറഞ്ഞതായും പിവി അന്‍വര്‍ വ്യക്തമാക്കി. എംഎല്‍എ സ്ഥാനം രാജിവെച്ചത് മമതാ ബാനര്‍ജിയുടെ നിര്‍ദേശപ്രകാരമാണെന്ന് അന്‍വര്‍ കൂട്ടിച്ചേര്‍ത്തു.
