കണ്ണൂര്: കണ്ണൂര് ജില്ലാപഞ്ചായത്ത് പ്രസിഡന്റ് തിരഞ്ഞെടുപ്പ് ഇന്ന്. പിപി ദിവ്യ രാജിവച്ചതിനെ തുടര്ന്നാണ് പുതിയ തെരഞ്ഞെടുപ്പ്.
ആരോഗ്യ, വിദ്യാഭ്യാസ സ്ഥിരം സമിതി ചെയര്പേഴ്സണ് കെ. കെ. രത്നകുമാരിയാണ് എൽഡിഎഫിന്റെ സ്ഥാനാർഥി, കൂടാതെ യുഡിഎഫ് സ്ഥാനാർഥിയായി കോൺഗ്രസിലെ ജൂബിലി ചാക്കോ മത്സരിക്കും.തുടർന്ന്, കലക്ടറുടെ സാന്നിദ്ധ്യത്തിൽ ഉച്ചയ്ക്കു പുതിയ പ്രസിഡന്റ് അധികാരമേല്ക്കുന്നു.
പത്തനംതിട്ടയിലേക്കു സ്ഥലംമാറ്റം ലഭിച്ച എഡിഎം കെ.നവീന് ബാബുവിന് സഹപ്രവര്ത്തകര് ഒക്ടോബര് 14ന് നല്കിയ യാത്രയയപ്പ് ചടങ്ങിലേക്ക് ക്ഷണിക്കാതെയെത്തി പിപി ദിവ്യ അദ്ദേഹത്തെ അപഹസിക്കുന്ന രീതിയില് പ്രസംഗിക്കുകയായിരുന്നു. അതിന്റെ വിഷമത്തില് അദ്ദേഹം അടുത്ത ദിവസം ആത്മഹത്യ ചെയ്തുവെന്നാണ് കേസ്.
