രാജ്യത്തിന്റെ മിക്ക ഭാഗങ്ങളിലും സാധാരണത്തില് കൂടുതലായ ഉഷ്ണതരംഗ സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ് നല്കി. 1901 ന് ശേഷം ഏറ്റവും ചൂടേറിയ ഫെബ്രുവരി 2025 ആയിരുന്നു, ഇതിന്റെ ശരാശരി താപനില 22.04 ഡിഗ്രി സെല്ഷ്യസ് ആയി രേഖപ്പെടുത്തി. ജനുവരി മുതല് ഫെബ്രുവരി വരെ രാജ്യത്ത് 59 ശതമാനം മഴക്കുറവാണ് ഉണ്ടായത്, മധ്യ ഇന്ത്യയില് 89 ശതമാനവും വടക്കുപടിഞ്ഞാറന് ഇന്ത്യയില് 64 ശതമാനവും മഴ കുറവാണ്.
ഉഷ്ണതരംഗ സാധ്യത രാജ്യത്തിന്റെ മധ്യ, വടക്ക്, തെക്ക്, തെക്കുപടിഞ്ഞാറന് മേഖലകളില് ബാധിച്ചേക്കും. കര്ഷകര്ക്ക് ഇത് വലിയ ആശങ്കകളാണ് സൃഷ്ടിക്കുന്നത്, പ്രത്യേകിച്ച് പഞ്ചാബിലും ഹരിയാനയിലും റാബി വിളകളുടെ വിളവെടുപ്പ് മാര്ച്ച് പകുതിയോടെ ആരംഭിക്കുമ്പോള്. കഴിഞ്ഞ മൂന്നു വര്ഷമായി ഗോതമ്പ് ഉല്പ്പാദനം പ്രതിസന്ധിയിലായതിനാല് ഉഷ്ണതരംഗം വരും ദിവസങ്ങളിലും കാര്യമായി ബാധിക്കുമെന്ന് ഐഐഡബ്ല്യുബിആര് ഡയറക്ടര് ഡോ. രത്തന് കുമാര് സിംഗ് പറഞ്ഞു.
കാലാവസ്ഥാ വകുപ്പിന്റെ വിലയിരുത്തലിന് പ്രകാരം, മാര്ച്ചില് സാധാരണ മഴ ലഭിക്കാമെന്നും, എന്നാല് ഉയര്ന്ന താപനിലയുടെ ആഘാതം കാര്ഷിക മേഖലയില് ഗൗരവമായ പ്രതിഫലനം ഉണ്ടാക്കുമെന്നുമാണ് വിലയിരുത്തല്.
