കോഴിക്കോട്: കോഴിക്കോട് മെഡിക്കൽ കോളേജിലെ അത്യാഹിത വിഭാഗത്തിൽ വീണ്ടും പുക. അത്യാഹിത വിഭാഗത്തിന്റെ ആറാം നിലയിലാണ് പുക ഉയര്ന്നത്, തുടർന്ന് അവിടെയുണ്ടായിരുന്ന രോഗികളെ മാറ്റി. ഓപ്പറേഷന് തിയറ്റര് ഉള്പ്പെടെ സ്ഥിതി ചെയ്യുന്നത് ആറാം നിലയിലാണ്.
ദിവസങ്ങള്ക്ക് മുന്പ് അത്യാഹിത വിഭാഗത്തില് പൊട്ടിത്തെറി ഉണ്ടായതിനെ തുടര്ന്ന് സമാനമായ നിലയില് പുക ഉയര്ന്നിരുന്നു. ഇതുമായി ബന്ധപ്പെട്ട് ഇലക്ട്രിക്കല് ഇന്സ്പെക്ടറേറ്റിന്റെ പരിശോധന നടക്കുന്നതിനിടെയാണ് അത്യാഹിത വിഭാഗത്തില് നിന്ന് വീണ്ടും പുക ഉയര്ന്നത്. ഫയര്ഫോഴ്സ് സംഘം ഉടൻ സ്ഥലത്തെത്തി, അടിയന്തര നടപടികൾ സ്വീകരിച്ചു.
കഴിഞ്ഞ ദിവസം ഒന്നും രണ്ടും നിലകളിൽ നിന്നാണ് പുക ഉയർന്നത്, ഇതിന് പിന്നാലെയാണിപ്പോള് ആറാം നിലയിൽ നിന്ന് പുക ഉയര്ന്നത്. നിലവിൽ സ്ഥിതിഗതികൾ നിയന്ത്രണ വിധേയമാണെന്നും, വലിയ ആശങ്ക വേണ്ടെന്നും മെഡിക്കൽ കോളേജ് അധികൃതർ അറിയിച്ചു. കഴിഞ്ഞ ദിവസം മെഡിക്കൽ കോളേജ് അത്യാഹിതവിഭാഗത്തിൽ പുക ഉയർന്നതിനെത്തുടർന്ന് രോഗികളെ സ്വകാര്യ ആശുപത്രിയിലേക്ക് മാറ്റിയിരുന്നു. വെള്ളിയാഴ്ച രാത്രിയായിരുന്നു പുക ഉയർന്നത്. തുടർന്ന് രോഗികളെ സുരക്ഷിതമായി പുറത്തെത്തിക്കുകയായിരുന്നു. സംഭവസമയത്ത് അഞ്ച് മരണങ്ങൾ റിപ്പോർട്ട് ചെയ്തിരുന്നുവെങ്കിലും ഇത് പുക ശ്വസിച്ചത് മൂലമല്ലെന്ന് പോസ്റ്റ്മോർട്ടം റിപ്പോർട്ടിൽ വ്യക്തമായിരുന്നു.
