തിരുവനന്തപുരം: സംസ്ഥാനത്ത് ജൂൺ 9 അർദ്ധരാത്രിയിൽ ആരംഭിച്ച് ജൂലൈ 31 അർദ്ധരാത്രിവരെ 52 ദിവസം ട്രോളിങ് നിരോധനം പ്രാബല്യത്തിൽ വരുമെന്ന് മത്സ്യബന്ധന വകുപ്പ് മന്ത്രി സജി ചെറിയാൻ അറിയിച്ചു.
ഇതിന്റെ ഭാഗമായി എല്ലാ തീരദേശ ജില്ലകളിലും 24 മണിക്കൂറും പ്രവര്ത്തിക്കുന്ന കണ്ട്രോള് റൂമുകള് മെയ് 15 മുതല് പ്രവര്ത്തനം ആരംഭിച്ചിട്ടുണ്ട്. ട്രോളിങ് നിരോധന സമയത്ത് രക്ഷാപ്രവര്ത്തനങ്ങള്ക്കും പട്രോളിങ്ങിനുമായി 9 തീരദേശ ജില്ലകളിലായി 19 സ്വകാര്യ ബോട്ടുകള് വാടകയ്ക്ക് എടുക്കും.
കൂടാതെ വിഴിഞ്ഞം വൈപ്പിന് ബേപ്പൂര് എന്നീ ഫിഷറീസ് സ്റ്റേഷനുകള് കേന്ദ്രീകരിച്ച് മൂന്ന് മറൈന് ആംബുലന്സുകളും പ്രവര്ത്തിക്കും. കഴിഞ്ഞവര്ഷം നിരോധനം നടപ്പാക്കാന് സ്വീകരിച്ച നടപടികള് കൂടുതല് കാര്യക്ഷമമായി ഈ വര്ഷവും നടപ്പിലാക്കുമെന്നും മന്ത്രി അറിയിച്ചു.
