കൊച്ചി: സംസ്ഥാനത്ത് സ്വര്ണവില വീണ്ടും വര്ധിച്ചു. രണ്ട് ദിവസത്തിനിടെ 1300 രൂപയുടെ വര്ധനയാണ് രേഖപ്പെടുത്തിയത്. ഇന്ന് പവന് 160 രൂപ ഉയര്ന്ന് 72,640 രൂപയായി. ഗ്രാമിന് 20 രൂപ കൂടി ഗ്രാമിന്റെ വില 9080 രൂപയായി.
കഴിഞ്ഞ മാസം 71,000നും 72,000നും ഇടയില് സ്വര്ണ വില കൂടിയും കുറഞ്ഞും നില്ക്കുന്ന കാഴ്ചയാണ് വിപണിയില് കണ്ടത്. കഴിഞ്ഞ മാസം 15ന് 68,880 ലേക്ക് കൂപ്പുകുത്തിയ സ്വര്ണവില പിന്നീട് കരകയറി 71,000ന് മുകളില് എത്തിയ ശേഷമാണ് ചാഞ്ചാടി നിന്നത്. എന്നാല് ഇന്നലെ രണ്ടു തവണകളായി 1120 രൂപ വര്ധിച്ച് 72000 കടന്നതോടെ വീണ്ടും റെക്കോര്ഡുകള് ഭേദിച്ച് സ്വര്ണവില കുതിക്കുമോ എന്ന പ്രതീതി സൃഷ്ടിച്ചിട്ടുണ്ട്.
ഓഹരി വിപണിയിലെ ചാഞ്ചാട്ടവും അമേരിക്ക ചൈന വ്യാപാരയുദ്ധത്തിന് ശമനമായതും അടക്കമുള്ള ഘടകങ്ങളാണ് സ്വര്ണവിലയെ സ്വാധീനിക്കുന്നത്.
