തിരുവനന്തപുരം: സംസ്ഥാനത്ത് ബുധനാഴ്ചയോടെ വീണ്ടും മഴ ശക്തമാകുമെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കി. വടക്കന് കേരളത്തിലാകും പ്രധാനമായും ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് മുന്നറിയിപ്പില് പറയുന്നു.
നാളെ (ബുധനാഴ്ച) കോഴിക്കോട്, കണ്ണൂര്, കാസര്കോട് ജില്ലകളിലാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്. വ്യാഴാഴ്ച കണ്ണൂര്, കാസര്കോട്, വെള്ളിയാഴ്ച എറണാകുളം, കോഴിക്കോട്, വയനാട്, കണ്ണൂര്, കാസര്കോട്, ശനിയാഴ്ച കണ്ണൂര്, കാസര്കോട് എന്നിവിടങ്ങളിലും മഴ മുന്നറിയിപ്പ് നല്കിയിട്ടുണ്ട്.
അതേസമയം, ഇന്ന് സംസ്ഥാനത്ത് യാതൊരു ജില്ലയിലും മഴ മുന്നറിയിപ്പ് ഇല്ല. കേരള-കര്ണാടക-ലക്ഷദ്വീപ് തീരങ്ങളില് ഇന്ന് മത്സ്യബന്ധനത്തിന് തടസമില്ലെന്നും കേന്ദ്ര കാലാവസ്ഥാ വകുപ്പ് വ്യക്തമാക്കി.
