ഗുരുവായൂർ ക്ഷേത്രം കിഴക്കേ നടയിൽ വിവാഹ ചടങ്ങുകൾ നടത്താൻ തയ്യാറാക്കിയ പുതിയ മണ്ഡപം നാളെ രാവിലെ 7 മണിക്ക് സമർപ്പിക്കും. അന്ന ലക്ഷ്മി ഹാളിൽ പ്രവൃത്തിയെടുക്കുന്ന ജീവനക്കാർക്ക് ഏർപ്പെടുത്തിയ യൂണിഫോം സമർപ്പണം രാവിലെ 9 മണിക്ക് നടക്കും. ദേവസ്വം ചെയർമാൻ എ.വി.ഗോപിനാഥ്, ദേവസ്വം ഭരണസമിതി അംഗങ്ങൾ എന്നിവർ പങ്കെടുക്കും.
ഗുരുവായൂർ ദേവസ്വം ആഭിമുഖ്യത്തിൽ നടന്നരാമായണ മാസാചരണ പരിപാടികളുടെ സമാപനം ഇന്ന് നടന്നു.സമാപന ഭാഗമായി നടന്ന സാംസ്കാരിക സമ്മേളനം ജ്ഞാനപ്പാന പുരസ്കാര സ്വീകർത്താവും പ്രശസ്ത കവിയുമായ രാധാകൃഷ്ണൻ കാക്കശ്ശേരി ഉദ്ഘാടനം ചെയ്തു.ശ്രീ ഗുരുവായൂരപ്പൻ ഓഡിറ്റോറിയത്തിൽ നടന്ന ചടങ്ങിൽ ഷാജു പുതൂർ (ലൈബ്രറി ഉപദേശക സമിതി അംഗം) സ്വാഗതം ആശംസിച്ചു.ബ്രഹ്മശ്രീ മല്ലിശ്ശേരി പരമേശ്വരൻ നമ്പൂതിരിപ്പാട് (ദേവസ്വം ഭരണസമിതി അംഗം) അധ്യക്ഷനായി. ചടങ്ങിൽ വി.പി. ഉണ്ണികൃഷ്ണ‌ൻ (ലൈബ്രറി ഉപദേശക സമിതി അംഗം) ആശംസ നേർന്നു. മുരളി പുറനാട്ടുകര രാമായണത്തിലെ അഗസ്ത്യ സ്തുതി Read More…
രാജ്യത്തിൻ്റെ എൺപതാമത് സ്വാതന്ത്ര്യദിനം ഗുരുവായൂർ ദേവസ്വം ആഭിമുഖ്യത്തിൽ സമുചിതമായി ആഘോഷിക്കുകയാണ്. രാവിലെഎട്ടരയോടെ ദേവസ്വം കാര്യാലയമായ ശ്രീപത്മത്തിന് മുന്നിൽ ചെയർമാൻഎ വി.ഗോപിനാഥ് ദേശീയ പതാക ഉയർത്തി. തുടർന്ന് ദേശീയപതാകയെ അഭിവാദ്യം ചെയ്ത ശേഷം അദ്ദേഹം സ്വാതന്ത്ര്യദിന സന്ദേശം നൽകി. ദേവസ്വം സുരക്ഷാ വിഭാഗത്തിലെ വിമുക്ത ഭടൻമാരുടെ പരേഡിൽ ചെയർമാൻ അഭിവാദ്യം സ്വീകരിച്ചു. ദേവസ്വം ഭരണസമിതി അംഗങ്ങളായ മല്ലിശ്ശേരി പരമേശ്വരൻ നമ്പൂതിരിപ്പാട്, സി.മനോജ്, ദേവസ്വം ജീവനക്കാർ എന്നിവർ സന്നിഹിതരായി. ദേവസ്വം സെക്യൂരിറ്റി സൂപ്പർവൈസർ സുബ്രഹ്മണിയാണ് വിമുക്ത ഭടൻമാരുടെ പരേഡിനെ നയിച്ചത്. Read More…
ഗുരുവായൂർ ക്ഷേത്രത്തിൽ ഇല്ലം നിറ ആഗസ്റ്റ് 18 ചൊവ്വാഴ്ച നടക്കും. രാവിലെ 8.30 മുതൽ 9.30 വരെയുള്ള ശുഭമുഹൂർത്തത്തിൽ ആണ് ഇല്ലം നിറചടങ്ങുകൾ. ശീവേലി, പന്തീരടി പൂജ ഉൾപ്പെടെയുള്ള ചടങ്ങുകൾ ഏഴുമണിക്ക് മുൻപായി പൂർത്തിയാക്കി ഇല്ലംനിറ ചടങ്ങിന് ആവശ്യമായ ക്രമീകരണങ്ങൾ ഒരുക്കേണ്ടതിനാൽ രാവിലെ പ്രാദേശികം, സീനിയർ സിറ്റിസൺ ദർശന വരികൾ ഉണ്ടായിരിക്കുന്നതല്ല.ചടങ്ങുകളുടെ സുഗമമായ പൂർത്തീകരണത്തിനായി രാവിലെ 4.30 മുതൽ 9.30 വരെ ദർശന നിയന്ത്രണം ഉണ്ടാകും.
ന്യൂഡൽഹി: സ്വാതന്ത്ര്യദിനത്തോടനുബന്ധിച്ച് പ്രധാനമന്ത്രി നരേന്ദ്ര മോദി രാജ്യത്തെ ജനങ്ങൾക്ക് ഹൃദയപൂർവം ആശംസകൾ നേർന്നു. ബ്രിട്ടീഷ് കൊളോണിയൽ ഭരണത്തിന് അന്ത്യം കുറിക്കാൻ പോരാടിയ ധീരരായ സ്വാതന്ത്ര്യസമര സേനാനികളുടെ അസാമാന്യ ധൈര്യവും ത്യാഗവും സമർപ്പണവും ഓർമിക്കേണ്ട ദിനമാണ് സ്വാതന്ത്ര്യദിനമെന്ന് പ്രധാനമന്ത്രി പറഞ്ഞു. സ്വാതന്ത്ര്യസമര സേനാനികൾ കണ്ട സ്വപ്നങ്ങളും ഉയർത്തിപ്പിടിച്ച ആശയങ്ങളും ഇന്നും രാജ്യത്തിന് പ്രചോദനമാണെന്ന് മോദി ചൂണ്ടിക്കാട്ടി. വികസിത ഭാരതം എന്ന ലക്ഷ്യം സാക്ഷാത്കരിക്കുന്നതിനായി അവരുടെ ആശയങ്ങൾ ഉൾക്കൊണ്ട് ഒരുമിച്ച് മുന്നേറാനും അദ്ദേഹം പൗരന്മാരോട് ആഹ്വാനം ചെയ്തു. 140 കോടി Read More…
ന്യൂഡൽഹി: സ്വാതന്ത്ര്യദിനത്തിൻ്റെ തലേന്ന് രാജ്യത്തെ ജനങ്ങൾക്ക് ആശംസകൾ നേർന്ന് രാഷ്ട്രപതി ദ്രൗപദി മുർമു. 2047ലെ സ്വാതന്ത്ര്യത്തിൻ്റെ നൂറാം വാർഷികത്തോടെ വികസിത ഭാരതം കെട്ടിപ്പടുക്കാൻ എല്ലാവരും ഒരുമിച്ച് പ്രവർത്തിക്കണമെന്ന് രാഷ്ട്രപതി ആഹ്വാനം ചെയ്തു. ഇന്ത്യയുടെ സ്വാതന്ത്ര്യത്തിൻ്റെ പ്രതീകമാണ് ത്രിവർണമെന്ന് ചൂണ്ടിക്കാട്ടിയ രാഷ്ട്രപതി, രാജ്യത്തിന്റെ സ്വാതന്ത്ര്യത്തിനായി പോരാടിയ ധീരരായ സ്വാതന്ത്ര്യസമര സേനാനികളെ അനുസ്മരിച്ചു. വിദ്യാർത്ഥികൾ, അധ്യാപകർ, ശാസ്ത്രജ്ഞർ, ആരോഗ്യപ്രവർത്തകർ, കർഷകർ, തൊഴിലാളികൾ, കായികതാരങ്ങൾ, കലാകാരൻമാർ, സംരംഭകർ, സിവിൽ സർവീസുകാർ, സാമൂഹിക പ്രവർത്തകർ, പൊലീസ്, സായുധസേനാംഗങ്ങൾ തുടങ്ങി രാജ്യനിർമാണത്തിൽ സംഭാവന നൽകുന്ന Read More…
ന്യൂഡൽഹി: ഇന്ത്യയുടെ 80-ാം സ്വാതന്ത്ര്യദിനം ഓഗസ്റ്റ് 15ന് രാജ്യവ്യാപകമായി വിപുലമായ പരിപാടികളോടെ ആഘോഷിക്കും. പ്രധാനമന്ത്രി നരേന്ദ്ര മോദി ചെങ്കോട്ടയിൽ നടക്കുന്ന ദേശീയതല ആഘോഷങ്ങൾക്ക് നേതൃത്വം നൽകും. ദേശഭക്തി നിറഞ്ഞ അന്തരീക്ഷത്തിൽ ശക്തമായ സുരക്ഷാ ക്രമീകരണങ്ങളോടെയായിരിക്കും ചടങ്ങുകൾ. ദേശീയഗീതമായ ‘വന്ദേ മാതരം’ ആദ്യമായി ചെങ്കോട്ടയിലെ സ്വാതന്ത്ര്യദിന ചടങ്ങിൽ ആലപിക്കുമെന്നതാണ് ഈ വർഷത്തെ സ്വാതന്ത്ര്യദിനാഘോഷത്തിൻ്റെ പ്രധാന പ്രത്യേകത. സംസ്ഥാന തലസ്ഥാനങ്ങൾ ഉൾപ്പെടെ രാജ്യത്തെ വിവിധ നഗരങ്ങളിലും പട്ടണങ്ങളിലും സ്വാതന്ത്ര്യദിനാഘോഷങ്ങൾ സംഘടിപ്പിക്കും. ദേശീയപതാക ഉയർത്തിയതിന് പിന്നാലെ വിവിധ സാംസ്കാരിക പരിപാടികളും നടക്കും. Read More…
ന്യൂഡൽഹി: വിഭജനത്തിൻ്റെ ദുരിതങ്ങൾ നേരിട്ടവരുടെ ധൈര്യവും അതിജീവനശേഷിയും അനുസ്മരിച്ച് പ്രധാനമന്ത്രി നരേന്ദ്ര മോദി. വിഭജന ഭീകരതാ അനുസ്മരണ ദിനത്തിൽ (Partition Horrors Remembrance Day) രാജ്യത്തെ ജനങ്ങളോട് ഐക്യവും സാഹോദര്യവും കൂടുതൽ ശക്തിപ്പെടുത്താൻ പ്രധാനമന്ത്രി ആഹ്വാനം ചെയ്തു. വിഭജനം നിരവധി ജീവിതങ്ങളെ തകർത്ത ചരിത്രത്തിലെ വേദനാജനകമായ അധ്യായമായിരുന്നുവെന്ന് മോദി പറഞ്ഞു. നിരവധി കുടുംബങ്ങൾക്ക് അവരുടെ വീടും നാടും ഉപേക്ഷിക്കേണ്ടിവന്നു. പ്രിയപ്പെട്ടവരെ നഷ്ടപ്പെടുകയും വലിയ ദുരിതങ്ങൾ അനുഭവിക്കേണ്ടിവരികയും ചെയ്തു. എന്നാൽ ഈ പ്രതിസന്ധികളെ അതിജീവിച്ച് പലരും ഒന്നുമില്ലായ്മയിൽ നിന്ന് Read More…
ന്യൂഡൽഹി: പ്രമുഖ ചരിത്രകാരൻ സുമിത് സർക്കാർ (87) ഡൽഹിയിലെ വസതിയിൽ അന്തരിച്ചു. വാർധക്യസഹജമായ അസുഖങ്ങളെ തുടർന്നായിരുന്നു അന്ത്യം. ദീർഘകാലമായി അസുഖബാധിതനായിരുന്ന സുമിത് സർക്കാർ ഏതാനും വർഷങ്ങൾക്ക് മുമ്പ് വീണതിനെ തുടർന്ന് പൊതുരംഗത്ത് സജീവമായിരുന്നില്ലെന്ന് ചരിത്രകാരിയും കുടുംബസുഹൃത്തുമായ ജി. അരുണിമ പറഞ്ഞു. ചരിത്രകാരിയായ തനിക സർക്കാർ ആണ് ഭാര്യ. സൗത്ത് ഏഷ്യൻ ഹിസ്റ്ററി വിഷയത്തിൽ വാർവിക് സർവകലാശാലയിൽ അസോസിയേറ്റ് പ്രൊഫസറായ ആദിത്യ സർക്കാർ മകനാണ്.
ഗുരുവായൂർ ക്ഷേത്രത്തിൽ ആഗസ്റ്റ് 23 ഞായറാഴ്ച 377 ഉം ആഗസ്റ്റ് 30 ന് 295 ഉം വിവാഹങ്ങൾ ഇതിനകം ശീട്ടാക്കിയിരിക്കുന്ന സാഹചര്യത്തിൽ ദർശനവും വിവാഹ ചടങ്ങുകളും സുഗമമായി നടത്താൻ ഗുരുവായൂർ ദേവസ്വം പ്രത്യേക ക്രമീകരണങ്ങൾ ഒരുക്കും. ഭക്തർക്ക് തടസ്സമില്ലാതെ ക്ഷേത്ര ദർശനത്തിനും വിവാഹ ചടങ്ങുകൾ ഭംഗിയായി നടത്തുന്നതിനും ദേവസ്വം ക്രമീകരണങ്ങൾ ഏർപ്പെടുത്തിയതായി ഗുരുവായൂർ ദേവസ്വം ചെയർമാൻ എ.വി.ഗോപിനാഥ് അറിയിച്ചു. വിവാഹങ്ങൾ പുലർച്ചെ 4 മണി മുതൽ; കൂടുതൽ മണ്ഡപങ്ങൾ സമയബന്ധിതമായി പൂർത്തിയാക്കാൻ ആഗസ്റ്റ് 23, ആഗസ്റ്റ് 30 Read More…