വയനാട്: അന്തരിച്ച പത്മശ്രീ ജേതാവ് ചെറുവയൽ രാമൻ്റെ കുടുംബാംഗങ്ങളെ സന്ദർശിച്ച് കോൺഗ്രസ് എംപി പ്രിയങ്ക ഗാന്ധി. വ്യാഴാഴ്ച രാമൻ്റെ വീട്ടിലെത്തിയ പ്രിയങ്ക കുടുംബാംഗങ്ങളുമായി സമയം ചെലവഴിക്കുകയും ക്ഷേമവിവരങ്ങൾ അന്വേഷിക്കുകയും ചെയ്തു.
മൂന്ന് ദിവസത്തെ മണ്ഡല സന്ദർശനത്തിനായി വയനാട്ടിലെത്തിയതായിരുന്നു പ്രിയങ്ക ഗാന്ധി. കഴിഞ്ഞ മാസമാണ് 74-ാം വയസ്സിൽ ചെറുവയൽ രാമൻ അന്തരിച്ചത്.
കുറിച്യ ആദിവാസി വിഭാഗത്തിൽപ്പെട്ട രാമൻ, വംശനാശഭീഷണി നേരിട്ടിരുന്ന 45-ലധികം നാടൻ നെല്ലിനങ്ങൾ പരമ്പരാഗത ജൈവകൃഷിരീതികളിലൂടെ സംരക്ഷിച്ചതിലൂടെയാണ് ശ്രദ്ധേയനായത്. പതിറ്റാണ്ടുകളോളം നീണ്ട അദ്ദേഹത്തിൻ്റെ കാർഷിക പ്രവർത്തനങ്ങൾക്കുള്ള അംഗീകാരമായി രാജ്യം പത്മശ്രീ നൽകി ആദരിച്ചിരുന്നു.
