തിരുനാവായ മഹാമാഘ കുംഭമേളയുടെ തുടർച്ചയായി മലപ്പുറം ജില്ലയിലെ താനൂരിൽ 2027 ഏപ്രിൽ മാസത്തിൽ സോമയാഗം സംഘടിപ്പിക്കുമെന്ന് മഹാമണ്ഡലേശ്വർ സ്വാമി ആനന്ദവനം ഭാരതി മഹാരാജ് പ്രഖ്യാപിച്ചു. കുംഭമേള നഗരിയിൽ നടന്ന പ്രത്യേക ചടങ്ങിലാണ് സോമയാഗത്തിന്റെ ഔദ്യോഗിക വിളംബരം നടന്നത്.
ഗായത്രി ഗുരുകുലം ആചാര്യൻ അരുൺ പ്രഭാകരൻ, വൈദിക വിചാര സമിതി ഭാരവാഹികളായ സുമേഷ് പുല്ലാട്ട്, ഹരിദാസ് മേനോത്തിൽ, ജ്യോതി പ്രകാശ്, ധനരാജ് താനൂർ, രതീഷ് കാട്ടുങ്ങൽ, ഉദയൻ കരിക്കത്തിൽ, മണി തേനായി, ജഗൻ ഗായത്രി, കെ.എം. ഹിലാൽ, രഘുനാഥ് തുടങ്ങിയവർ ചടങ്ങിൽ പങ്കെടുത്തു. കഴിഞ്ഞ 20 വർഷമായി താനൂരിൽ സജീവമായി പ്രവർത്തിക്കുന്ന ‘വൈദിക വിചാര സദസ്’ എന്ന വേദഭക്തരുടെ കൂട്ടായ്മയാണ് സോമയാഗത്തിന്റെ സംഘാടകർ.
