തിരുവനന്തപുരം: സംസ്ഥാനത്ത് സ്വർണവിലയിൽ കുറവ് രേഖപ്പെടുത്തി. കേരളത്തിലെ ഇന്നത്തെ സ്വർണവില അനുസരിച്ച് 22 കാരറ്റ് ഒരു പവൻ സ്വർണത്തിന് 360 രൂപ കുറഞ്ഞ് 1,18,960 രൂപയായി. ഒരു ഗ്രാമിന് 14,870 രൂപയാണ് നൽകേണ്ടത്.
വിവിധ കാരറ്റുകളിലെ ഇന്നത്തെ വില
18 കാരറ്റ് സ്വർണം ഗ്രാമിന് 12,215 രൂപയും പവന് 97,720 രൂപയുമാണ് ഇന്ന് നൽകേണ്ടത്.
14 കാരറ്റ് സ്വർണം ഗ്രാമിന് 9,515 രൂപയും പവന് 76,120 രൂപയുമാണ് വില.
9 കാരറ്റ് സ്വർണം ഗ്രാമിന് 6,135 രൂപയും പവന് 49,080 രൂപയുമാണ് ഇന്ന് വിപണിയിൽ ലഭ്യമാകുന്നത്.
വെള്ളി വിലയിലും കുറവ്
വെള്ളി വിലയിൽ 10 രൂപയുടെ ഇടിവാണ് രേഖപ്പെടുത്തിയിരിക്കുന്നത്. ഒരു ഗ്രാമിന് 280 രൂപയും പത്ത് ഗ്രാമിന് 2,800 രൂപയുമാണ് ഇന്നത്തെ വില.
ആഗോള വിപണിയിലെ സ്വാധീനം
ആഗോള വിപണിയിൽ ഔൺസ് സ്വർണത്തിന് ഏകദേശം 5,177 ഡോളർ വരെ ഇടിവ് രേഖപ്പെടുത്തിയിട്ടുണ്ട്. പശ്ചിമേഷ്യയിലെ സംഘർഷങ്ങൾ നിലനിൽക്കുമ്പോഴും സ്വർണവില താഴുന്ന വിപരീത സാഹചര്യമാണിപ്പോൾ വിപണിയിൽ കാണുന്നത്.
പണപ്പെരുപ്പ ഭീഷണി സ്വർണത്തിന് തിരിച്ചടി
സാധാരണയായി യുദ്ധമോ രാഷ്ട്രീയ അസ്ഥിരതയോ ഉണ്ടായാൽ നിക്ഷേപകർ സുരക്ഷിത നിക്ഷേപമായി സ്വർണത്തിലേക്ക് മാറുന്നതിനാൽ വില ഉയരാറുണ്ട്. എന്നാൽ നിലവിൽ സംഘർഷത്തെ തുടർന്ന് ഇന്ധനവില ഉയരുകയും അതിലൂടെ ആഗോള പണപ്പെരുപ്പം വർധിക്കാനുള്ള സാധ്യതയും നിലനിൽക്കുന്നു. ഇതിനെ നിയന്ത്രിക്കാൻ ലോകത്തെ കേന്ദ്രബാങ്കുകൾ പലിശനിരക്ക് ഉയർത്താനിടയുണ്ടെന്ന വിലയിരുത്തലാണ് സ്വർണവിലയ്ക്ക് തിരിച്ചടിയായിരിക്കുന്നത്.
