കോഴിക്കോട്: മലബാറിലെ ആദ്യ കെ.എസ്.ആര്.ടി.സി ഡബിള് ഡെക്കര് ബസില് കോഴിക്കോട് നഗരത്തിലെ കാഴ്ചകള് ആസ്വദിക്കാന് അവസരം. കെ.എസ്.ആര്.ടി.സി ബജറ്റ് ടൂറിസത്തിൻ്റെ ഭാഗമായാണ് ഈ അവസരം ഒരുക്കിയിരിക്കുന്നത്. സിറ്റി റൈഡ് ബസിൽ ഇനി കോഴിക്കോട് നഗരം മുഴുവൻ ചുറ്റിക്കറങ്ങാം.
മുകള്നിലയില് 36 പേര്ക്കും താഴെ 28 പേര്ക്കും സഞ്ചരിക്കാവുന്ന ബസാണ് കാഴ്ചകൾ കാണാനായി ഒരുക്കിയിരിക്കുന്നത്. നഗരത്തിലെ പ്രധാന വിനോദസഞ്ചാര കേന്ദ്രങ്ങളെ ബന്ധിപ്പിച്ചാണ് യാത്ര. കെ.എസ്.ആര്.ടി.സി ബസ് സ്റ്റാന്ഡില് നിന്ന് ആരംഭിക്കുന്ന യാത്ര സരോവരം, മാനാഞ്ചിറ സ്ക്വയര്, പാളയം, കുറ്റിച്ചിറ എന്നിവിടങ്ങളിലൂടെ സഞ്ചരിച്ച് കോഴിക്കോട് ബീച്ചിലെത്തും. തുറന്ന അപ്പര്ഡെക്ക് യാത്രക്ക് 200 രൂപയും താഴത്തെ ഡെക്കിന് 100 രൂപയുമാണ് നിരക്ക്. വൈകീട്ട് 3.00, 4.30, 6.00, 7.30, 9.00 എന്നീ സമയങ്ങളിലാണ് യാത്ര ആരംഭിക്കുക.
onlineksrtcswift.com എന്ന വെബ്സൈറ്റ് വഴി മുന്കൂട്ടി ടിക്കറ്റെടുത്തവര്ക്കാണ് യാത്രക്ക് അവസരം. Travelling From എന്ന സ്ഥലത്ത് Kozhikode Double Decker എന്നും Going To എന്ന ഭാഗത്ത് Kozhikode എന്നും നല്കണം. തീയതി തിരഞ്ഞെടുത്ത ശേഷം Search ഓപ്ഷന് ക്ലിക്ക് ചെയ്ത് യാത്ര ചെയ്യാന് ഉദ്ദേശിക്കുന്ന ട്രിപ്പിലെ സീറ്റ് തിരഞ്ഞെടുക്കാം. Boarding Point: Kozhikode Double Decker എന്നും Dropping Point: Kozhikode എന്നും തിരഞ്ഞെടുക്കണം. തുടര്ന്ന് Provide Passenger Details ല് യാത്രക്കാരുടെ വിവരങ്ങള് നല്കണം. Proceed to Payment ക്ലിക്ക് ചെയ്ത് അനുയോജ്യമായ ഓപ്ഷനിലൂടെ പേയ്മെൻ്റ് പൂര്ത്തിയാക്കാം. പേയ്മെൻ്റ് വിജയകരമായി പൂര്ത്തിയായ ശേഷം മൊബൈല് നമ്പറില് ടിക്കറ്റ് കണ്ഫര്മേഷന് സന്ദേശം ലഭിക്കും. ഫോണ്: 9946068832, 9188938532.
