ഗുരുവായൂർ ക്ഷേത്രത്തിൽ 2026 ഏപ്രിൽ മാസത്തെ ഭണ്ഡാരം എണ്ണൽ ഇന്ന് വൈകിട്ട് പൂർത്തിയായപ്പോൾ ലഭിച്ചത് 6,21,48,251 രൂപ. 1കിലോ 353ഗ്രാം 400 മില്ലിഗ്രാം സ്വർണ്ണം ലഭിച്ചു. 13 കിലോഗ്രാം 245 ഗ്രാം വെള്ളിയാണ് ലഭിച്ചത് .
കേന്ദ്ര സർക്കാർ പിൻവലിച്ച രണ്ടായിരം രൂപയുടെ 5ഉം നിരോധിച്ച ആയിരം രൂപയുടെ 13 നോട്ടും, അഞ്ഞൂറിൻ്റെ 17 കറൻസിയും ലഭിച്ചു. യൂണിയൻ ബാങ്ക് ഓഫ് ഇന്ത്യ ഗുരുവായൂർ ശാഖയ്ക്കായിരുന്നു എണ്ണൽ ചുമതല.
കിഴക്കേ നട എസ്.ബി.ഐ ഇ ഭണ്ഡാരം വഴി 3,07,735രൂപയും, കിഴക്കേ നട പഞ്ചാബ് നാഷണൽ ബാങ്ക് ഇ ഭണ്ഡാരം വഴി 26,196 രൂപയും പടിഞ്ഞാറെ നടയിലെ യുബിഐ ഇ ഭണ്ഡാരം വഴി 73,131രൂപയും ലഭിച്ചു. ഇന്ത്യൻ ബാങ്ക് ഇ ഭണ്ഡാരം വഴി 59,257 രൂപയും ഐസിഐസിഐ ഇ ഭണ്ഡാരം വഴി 72,434 രൂപയും ധനലക്ഷ്മി ബാങ്ക് ഇ ഭണ്ഡാരം വഴി 1,51,328 രൂപയും ലഭിച്ചു.
