വേദ മന്ത്രോച്ചാരണങ്ങളാൽ ധന്യമായ അന്തരീക്ഷത്തിൽ തൃശ്ശൂർ ബ്രഹ്മസ്വം മഠത്തിലെ വേദ വിദ്യാർത്ഥികൾക്കൊപ്പം വൃക്ഷ തൈ നട്ട് ബിജെപി ദേശീയ സഹ സംഘടനാ സെക്രട്ടറി ശിവ പ്രകാശ്.
നരേന്ദ്ര മോദി സർക്കാരിന്റെ പന്ത്രണ്ടാം വാർഷികാഘോഷത്തിൻ്റെ സമാരംഭമായി എല്ലാ ബൂത്തിലും പരിസ്ഥിതി ദിനത്തിൽ വൃക്ഷ തൈകൾ നടുന്നതിൻ്റെ ഭാഗമായിട്ടാണ് ശിവ പ്രകാശ് ബ്രഹ്മസ്വം മഠത്തിൽ എത്തിയത്. ബ്രഹ്മസ്വം മഠം പ്രസിഡൻ്റ് അഡ്വ. പാഴൂർ പരമേശ്വരൻ നമ്പൂതിരി, പാഠശാല പ്രിൻസിപ്പൽ കാപ്ര ശങ്കര നാരായണൻ, പ്രധാന വേദാചാര്യൻ വടക്കുമ്പാട് പശുപതി നമ്പൂതിരി, മറ്റ് വേദാചാര്യന്മാർ തുടങ്ങിയവരോടൊപ്പം, ബിജെപി സംസ്ഥാന ഉപാധ്യക്ഷൻ ഉണ്ണികൃഷ്ണൻ മാസ്റ്റർ ഡിവിഷൻ കൗൺസിലർ കൂടിയായ ബിജെപി ജില്ലാ ഉപാധ്യക്ഷ വിൻഷി അരുൺകുമാർ, സുധീർ, അജയ കുമാർ തുടങ്ങിയവർ സന്നിഹിതരായിരുന്നു.
