സംസ്ഥാനത്ത് ഇന്ന് ശക്തമായ മഴ ഉണ്ടാകുമെന്ന് കാലാവസ്ഥ വകുപ്പ് അറിയിച്ചു. ഇടുക്കി, എറണാകുളം ജില്ലകളില് ഓറഞ്ച് അലെര്ട്ട് പ്രഖ്യാപിച്ചു. കണ്ണൂര്, കാസര്കോഡ്, തൃശൂര്, കോട്ടയം, ആലപ്പുഴ, പത്തനംതിട്ട, ജില്ലകളില് യെല്ലോ അലെര്ട്ടും പ്രഖ്യാപിച്ചിട്ടുണ്ട്.
ആലപ്പുഴ, കോട്ടയം, എറണാകുളം ജില്ലകളില് ഒറ്റപ്പെട്ടയിടങ്ങളില് ഇടിമിന്നലോട് കൂടിയ ഇടത്തരം മഴക്കും മണിക്കൂറില് 40 കിലോമീറ്റര് വേഗതയില് വീശുന്ന ശക്തമായ കാറ്റിനും സാധ്യതയുണ്ടെന്ന് കാലാവസ്ഥ നിരീക്ഷണ വകുപ്പ് അറിയിച്ചു. മറ്റ് ജില്ലകളില് 50 കിലോമീറ്റര് വേഗതയില് വീശുന്ന കാറ്റിനാണ് സാധ്യതയുള്ളത്.
കള്ളക്കടല് ജാഗര്ത നിര്ദേശവും ഇതോടൊപ്പം നല്കിയിട്ടുണ്ട്. കള്ളക്കടല് പ്രതിഭാസത്തിന് മുന്നോടിയായി കേരള തീരത്ത് കടലാക്രമണവും ഉണ്ടാകാന് സാധ്യതയുണ്ട്. അതിനാല് മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം.
