വയനാട് തുരങ്കപാത നിര്മ്മാണ മേഖലയില് മണ്ണിടിഞ്ഞുണ്ടായ ദുരന്തം അങ്ങേയറ്റം ദാരുണവും ഞെട്ടിപ്പിക്കുന്നതാണെന്ന് പ്രതിപക്ഷ നേതാവ് പിണറായി വിജയന്. രക്ഷാപ്രവര്ത്തനം തുടരാനും അടിയന്തര വൈദ്യസഹായം നല്കാനുമുള്ള സമയമാണിതനെന്നും അദ്ദേഹം അറിയിച്ചു. മണ്ണിനടിയില് കുടുങ്ങിക്കിടക്കുന്ന മുഴുവന് ആളുകളേയും പുറത്തെടുക്കാന് അടിയന്തര നടപടികള് ആവശ്യമാണെന്നും സര്ക്കാരിന്റേയും ദുരന്തനിവാരണ വകുപ്പിന്റേയും പ്രവര്ത്തനങ്ങള്ക്ക് പിന്തുണ നല്കുന്നുവെന്നും അദ്ദേഹം അറിയിച്ചു.
ദുരന്തത്തില് ജീവഹാനി സംഭവിച്ചവരുടെ കുടുംബങ്ങളുടെ ദുഃഖത്തില് പങ്കുചേരുന്നുവെന്നും ആശ്രിതര്ക്ക് ധനസഹായം ലഭ്യമാക്കണമെന്നും പരിക്കേറ്റവര്ക്ക് സര്ക്കാര് സൗജന്യമായി വിദഗ്ധ ചികിത്സയും ധനസഹായവും നല്കണമെന്നും അദ്ദേഹം ആവശ്യപ്പെട്ടു. ബന്ധപ്പെട്ട അധികൃതരുടെ ഭാഗത്ത് നിന്നും വീഴ്ചയോ അനാസ്ഥയോ ഉണ്ടായിട്ടുണ്ടോ എന്ന് ഗൗരവപൂര്വ്വം അന്വേഷിക്കണമെന്നും പ്രതിപക്ഷ നേതാവ് അറിയിച്ചു.
