ന്യൂഡൽഹി: പരീക്ഷാ സംവിധാനത്തിൽ സമഗ്രമായ പരിഷ്കരണങ്ങൾ നടപ്പാക്കുന്നതിനായി ഇൻഫോസിസ് സഹസ്ഥാപകൻ നന്തൻ നിലേകനിയുടെ നേതൃത്വത്തിൽ ഉന്നതതല ടാസ്ക് ഫോഴ്സ് രൂപീകരിച്ചതായി പ്രധാനമന്ത്രി നരേന്ദ്ര മോദി അറിയിച്ചു.
എക്സ് (X) പ്ലാറ്റ്ഫോമിൽ പങ്കുവെച്ച സന്ദേശത്തിലൂടെയാണ് പ്രധാനമന്ത്രി ഇക്കാര്യം അറിയിച്ചത്.
“ശ്രീ നന്തൻ നിലേകനിയുടെ നേതൃത്വത്തിൽ പരീക്ഷാ പരിഷ്കരണങ്ങൾക്കായുള്ള ഉന്നതതല ടാസ്ക് ഫോഴ്സ് രൂപീകരിച്ചു,” എന്നാണ് പ്രധാനമന്ത്രി കുറിച്ചത്.
രാജ്യത്തെ പരീക്ഷാ സംവിധാനത്തെ കൂടുതൽ സുതാര്യവും കാര്യക്ഷമവും വിശ്വാസ്യതയുള്ളതുമാക്കുന്നതിനുള്ള നിർദേശങ്ങൾ സമർപ്പിക്കുകയാണ് ഈ ടാസ്ക് ഫോഴ്സിൻ്റെ പ്രധാന ലക്ഷ്യം. പരീക്ഷാ നടത്തിപ്പുമായി ബന്ധപ്പെട്ട വിവിധ വിഷയങ്ങൾ പരിശോധിച്ച് സമഗ്രമായ പരിഷ്കരണ നിർദേശങ്ങൾ സമിതി മുന്നോട്ടുവെക്കുമെന്നാണ് പ്രതീക്ഷ.
