18-ാമത് ബ്രിക്സ് ഉച്ചകോടിയിൽ പങ്കെടുക്കുന്നതിനായി റഷ്യൻ പ്രസിഡന്റ് വ്ലാദിമിർ പുടിൻ ന്യൂഡൽഹിയിലെത്തി. മൂന്ന് ദിവസത്തെ സന്ദർശനത്തിനായാണ് പുടിൻ ഇന്ത്യയിലെത്തിയത്.
പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി ഉഭയകക്ഷി വ്യാപാരം, നിക്ഷേപം, ഊർജ സഹകരണം എന്നിവ കൂടുതൽ ശക്തിപ്പെടുത്തുന്നതിനെക്കുറിച്ച് ചർച്ച നടത്തും.
ഉന്നതതല പ്രതിനിധി സംഘത്തോടൊപ്പമാണ് പുടിന്റെ ഇന്ത്യാ സന്ദർശനം. ഡൽഹി വിമാനത്താവളത്തിൽ വിദേശകാര്യ സഹമന്ത്രി കെ.വി. സിംഗ് പുടിനെ സ്വീകരിച്ചു.
“പ്രത്യേകവും സവിശേഷവുമായ തന്ത്രപ്രധാന പങ്കാളിത്തത്തിൽ അധിഷ്ഠിതമായ ദീർഘകാലവും ബഹുമുഖവുമായ ബന്ധമാണ് ഇന്ത്യയും റഷ്യയും തമ്മിലുള്ളത്” എന്ന് പുടിന്റെ സന്ദർശനത്തെ സ്വാഗതം ചെയ്ത് വിദേശകാര്യ മന്ത്രാലയ വക്താവ് രൺധീർ ജയ്സ്വാൾ എക്സിൽ കുറിച്ചു.
ഇന്ത്യ ആതിഥേയത്വം വഹിക്കുന്ന ബ്രിക്സ് ഉച്ചകോടിയിൽ ആഗോള, പ്രാദേശിക വിഷയങ്ങൾക്കൊപ്പം അംഗരാജ്യങ്ങൾ തമ്മിലുള്ള സാമ്പത്തികവും തന്ത്രപ്രധാനവുമായ സഹകരണവും ചർച്ചയാകും.
