ന്യൂഡൽഹി: ഉപരാഷ്ട്രപതി സി.പി. രാധാകൃഷ്ണൻ ‘സപ്താഹിക് വിവേക്’ പ്രസിദ്ധീകരിച്ച ‘വിശ്വസഞ്ചാർ ഹിന്ദുത്വ കാ’ എന്ന പുസ്തകം ഉപരാഷ്ട്രപതി ഭവനിൽ പ്രകാശനം ചെയ്തു.
1948ൽ ആരംഭിച്ച സപ്താഹിക് വിവേകിൻ്റെ സാമൂഹിക, സാംസ്കാരിക, പൊതുമേഖലകളിലെ ഇടപെടലുകളെ ഉപരാഷ്ട്രപതി പ്രശംസിച്ചു. 1925ൽ ഡോ. കെശവ് ബാലിറാം ഹെഡ്ഗേവാർ സ്ഥാപിച്ച ആർഎസ്എസിന്റെ നൂറാം വാർഷികാഘോഷങ്ങളുടെ പശ്ചാത്തലത്തിൽ പുസ്തകപ്രകാശനം പ്രസക്തമാണെന്നും അദ്ദേഹം പറഞ്ഞു.
ഹിന്ദുത്വം ആരെയും എതിർക്കുന്നതല്ലെന്നും എല്ലാവരെയും ഉൾക്കൊള്ളുന്നതാണ് അതിന്റെ ആശയമെന്നും രാധാകൃഷ്ണൻ വ്യക്തമാക്കി. ഹിന്ദുത്വത്തെക്കുറിച്ചുള്ള വിവിധ ചരിത്രപരവും രാഷ്ട്രീയവുമായ വ്യാഖ്യാനങ്ങൾ ഗൗരവമായി പഠിക്കേണ്ടതുണ്ടെന്നും അദ്ദേഹം പറഞ്ഞു.
