ഐസ്വാൾ: നിരോധിത മണിപ്പൂർ ആസ്ഥാനമായുള്ള സായുധസംഘടനയായ യുണൈറ്റഡ് കുക്കി നാഷണൽ ആർമി (UKNA)യുടെ തലവനെ മിസോറാമിൽ സുരക്ഷാസേന അറസ്റ്റ് ചെയ്തു. സംഘടനയുടെ കമാൻഡർ-ഇൻ-ചീഫെന്ന് കരുതപ്പെടുന്ന താങ്ഖോമാങ് ഹാവ്കിപ്പിനെയാണ് ഐസ്വാളിൽ നിന്ന് അറസ്റ്റ് ചെയ്തത്.
മണിപ്പൂരിൽ നടന്ന നിരവധി കുറ്റകൃത്യങ്ങളുമായി ഹാവ്കിപ്പിന് ബന്ധമുണ്ടെന്നാണ് ആരോപണം.
അസം റൈഫിൾസും സബ്സിഡിയറി ഇന്റലിജൻസ് ബ്യൂറോയും (SIB) സംയുക്തമായി നടത്തിയ ഓപ്പറേഷനിലാണ് ഇയാൾ പിടിയിലായതെന്ന് ഐസ്വാൾ പൊലീസ് സൂപ്രണ്ട് സോസാങ്ലിയാന അറിയിച്ചു.
അറസ്റ്റിന് പിന്നാലെ ഹാവ്കിപ്പിന്റെ പ്രവർത്തനങ്ങളും നിരോധിത സംഘടനയുമായുള്ള ബന്ധങ്ങളും സംബന്ധിച്ച് കൂടുതൽ അന്വേഷണം നടത്തുമെന്ന് പൊലീസ് അറിയിച്ചു.
