കൊൽക്കത്ത: വനാവകാശ നിയമം (2006) നടപ്പാക്കുന്നതിലെ പുരോഗതി വിലയിരുത്തുന്നതിനായി കേന്ദ്ര ഗോത്രകാര്യ മന്ത്രാലയം രണ്ടാമത് പ്രാദേശിക അവലോകന സമ്മേളനം സംഘടിപ്പിച്ചു. ഒക്ടോബർ 9ന് കൊൽക്കത്തയിൽ നടന്ന സമ്മേളനത്തിൽ എട്ട് സംസ്ഥാനങ്ങളിലെ ഉദ്യോഗസ്ഥർ പങ്കെടുത്തു.
പശ്ചിമ ബംഗാൾ, അസം, ത്രിപുര, ജാർഖണ്ഡ്, ഒഡീഷ, ബിഹാർ, മധ്യപ്രദേശ്, ഛത്തീസ്ഗഢ് എന്നീ സംസ്ഥാനങ്ങളിലെ ഗോത്രക്ഷേമം, റവന്യൂ, വനം വകുപ്പുകളിലെയും ഗോത്രഗവേഷണ സ്ഥാപനങ്ങളിലെയും മുതിർന്ന ഉദ്യോഗസ്ഥർ സമ്മേളനത്തിൽ പങ്കെടുത്തു. വനാവകാശ അപേക്ഷകൾ തീർപ്പാക്കുന്നതിൽ വലിയ കുടിശ്ശികയുള്ള ജില്ലകളിലെ കലക്ടർമാർ ഉൾപ്പെടെയുള്ള ഉദ്യോഗസ്ഥരും പങ്കെടുത്തു.
വനാവകാശ രേഖകൾ ഡിജിറ്റൈസ് ചെയ്യുക, സർക്കാർ രേഖകളിൽ ഉൾപ്പെടുത്തുക, ഗുണഭോക്താക്കളെ ഉപജീവന പദ്ധതികളുമായും വായ്പാ സൗകര്യങ്ങളുമായും ബന്ധിപ്പിക്കുക തുടങ്ങിയ മേഖലകളിൽ ആന്ധ്രപ്രദേശ് സ്വീകരിച്ച നടപടികളും സമ്മേളനത്തിൽ പങ്കുവെച്ചു.
ദക്ഷിണേന്ത്യൻ സംസ്ഥാനങ്ങൾക്കായുള്ള ആദ്യ പ്രാദേശിക അവലോകന സമ്മേളനം സെപ്റ്റംബർ 10ന് ബെംഗളൂരുവിൽ നടന്നിരുന്നു.
