Kerala News Politics

പി.എ അഭിലാഷും പി.ശിവദാസനുംസി വി ബാലചന്ദ്രനും ദേവസ്വം ഭരണസമിതി അംഗങ്ങളായി ചുമതലയേറ്റു

ഗുരുവായൂർ ദേവസ്വം ഭരണസമിതിയിലേക്ക് നാമനിർദ്ദേശം ചെയ്യപ്പെട്ട പി.എ.അഭിലാഷ്, പി.ശിവദാസൻ, സി.വി.ബാലചന്ദ്രൻ എന്നീ അംഗങ്ങൾ സത്യ പ്രതിജ്ഞ ചെയ്തു ചുമതലയേറ്റു. ഇന്നു രാവിലെ 11 മണിയോടെ ദേവസ്വം കാര്യാലയത്തിലെ കുറൂരമ്മ ഹാളിലായിരുന്നു ചടങ്ങ്. ചടങ്ങിൽ അധ്യക്ഷത വഹിച്ച ഗുരുവായൂർ ദേവസ്വം കമ്മീഷണർ എം.ജി രാജമാണിക്കം ഐഎഎസ് സത്യവാചകം ചൊല്ലി കൊടുത്തു.

പി. എ അഭിലാഷ് ആദ്യം സത്യപ്രതിജ്ഞ ചെയ്തു. തുടർന്ന് പി ശിവദാസനും സി വി ബാലചന്ദ്രനും സത്യപ്രതിജ്ഞ ചെയ്തു. പുതിയ അംഗങ്ങളെ ദേവസ്വം ചെയർമാൻ എ.വി.ഗോപിനാഥ്, ഭരണ സമിതി അംഗങ്ങളായ കെ.എസ്.ബാലഗോപാൽ, ബ്രഹ്മശ്രീ മല്ലിശ്ശേരി പരമേശ്വരൻ നമ്പൂതിരിപ്പാട് എന്നിവർ പൊന്നാടയണിയിച്ചു സ്വീകരിച്ചു. ദേവസ്വം ഭരണസമിതി അംഗമായ ക്ഷേത്രം തന്ത്രി ബ്രഹ്മശ്രീ. പി.സി.ദിനേശൻ നമ്പൂതിരിപ്പാട് ചടങ്ങിൽ ഭദ്രദീപം തെളിച്ചു. അഡ്മിനിസ്ട്രേറ്റർ എസ്.ഹരിഗോപാൽസർക്കാർ വിജ്ഞാപനം വായിച്ചു.

സത്യപ്രതിജ്ഞാ ചടങ്ങിനു ശേഷം വിടി ബൽറാം എം എൽ എ, വിവിധ സാമൂഹിക, സാംസ്കാരിക സംഘടനാ ഭാരവാഹികളും ദേവസ്വം ജീവനക്കാരും പുതിയ അംഗങ്ങൾക്ക് സ്വീകരണം നൽകി.

Leave a Reply

Your email address will not be published. Required fields are marked *