എറണാകുളം: ഓണക്കാലത്ത് സംസ്ഥാനത്തെ എല്ലാവർക്കും ഓണക്കിറ്റ് ലഭിക്കില്ല എന്ന വാർത്തയാണ് പുറത്തുവന്നിരിക്കുന്നത്. സാമ്പത്തിക പ്രതിസന്ധിയെ തുടർന്ന് ഇക്കുറിയും ഓണക്കിറ്റ് മഞ്ഞ കാർഡ് ഉടമകൾക്ക് മാത്രമായി നൽകാനാണ് സർക്കാർ തീരുമാനിച്ചിരിക്കുന്നത്.
സെപ്റ്റംബർ മാസത്തിന്റെ ആദ്യവാരത്തോടെ ഓണക്കിറ്റുകളുടെ വിതരണം ആരംഭിക്കാനാണ് തീരുമാനം. സംസ്ഥാനത്തെ ആറ് ലക്ഷം മഞ്ഞ കാർഡ് ഉടമകളാണ് ഈ സൗകര്യം ലഭിക്കുക. കഴിഞ്ഞ വർഷവും സമാനമായ തീരുമാനമായിരുന്നു എടുത്തിരുന്നത്.
ഓണക്കിറ്റിൽ ഉൾപ്പെടുത്തേണ്ട ഉത്പന്നങ്ങളെക്കുറിച്ചുള്ള ചർച്ചകൾ ഇപ്പോഴും പുരോഗമിക്കുകയാണ്. മുൻ വർഷങ്ങളിൽ തുണി സഞ്ചി ഉൾപ്പെടെ 15 ഇനങ്ങളാണ് ഓണക്കിറ്റിൽ ഉണ്ടായിരുന്നത്.
