തെലുങ്ക് സിനിമയിലെ മെഗാസ്റ്റാർ ചിരഞ്ജീവി ഗിന്നസ് വേൾഡ് റെക്കോർഡിൽ ഇടം പിടിച്ചിരിക്കുകയാണ്. 537 ഗാനങ്ങളിൽ 24,000 നൃത്തചുവടുകൾ വെച്ച ഏറ്റവും കൂടുതൽ പാട്ടുകളിൽ നൃത്തം ചെയ്ത നായകനെന്ന റെക്കോർഡാണ് അദ്ദേഹത്തിന് ലഭിച്ചത്. ബോളിവുഡ് സൂപ്പർസ്റ്റാർ ആമിർ ഖാനാണ് ഈ ഗിന്നസ് പുരസ്കാരം ചിരഞ്ജീവിക്ക് സമ്മാനിച്ചത്. ചിരഞ്ജീവി 1978ൽ അഭിനയിച്ച ആദ്യ സിനിമയുടെ 46-ാം വാർഷികം ദിനമായ സെപ്റ്റംബർ 22ന് നടന്ന ചടങ്ങിൽ, ഹൈദരാബാദിൽ വെച്ചാണ് പുരസ്കാരം കൈമാറിയത്.
ചിരഞ്ജീവി തെലുങ്കിന് പുറമേ ഹിന്ദി, തമിഴ്, കന്നഡ ഭാഷകളിലും നിറസാന്നിധ്യമായിട്ടുണ്ട്. ഈ നേട്ടം തെലുങ്ക് ജനതയ്ക്ക് അഭിമാനമാണെന്ന് തെലങ്കാന മുഖ്യമന്ത്രി രേവന്ത് റെഡ്ഡി അറിയിച്ചു.
