പത്തനംതിട്ട: ശബരിമലയിലെത്തുന്ന പത്തുവയസ്സിൽ താഴെയുള്ള കുട്ടികളുടെ സുരക്ഷ ഉറപ്പാക്കുന്നതിനായി തിരിച്ചറിയൽ ബാൻഡുകൾ വിതരണം ചെയ്തതായി പൊലീസ്.
പമ്പയിൽ നിന്ന് മല കയറി തിരക്കിനിടയിലോ കുട്ടികൾ കൂട്ടം തെറ്റുമെന്ന ആശങ്ക ഒഴിവാക്കാനാണ് ഈ സംവിധാനം നടപ്പിലാക്കിയത്. ബാൻഡിൽ കുട്ടിയുടെ പേരും കൂടെയുള്ള മുതിർന്ന വ്യക്തിയുടെ മൊബൈൽ നമ്പരും രേഖപ്പെടുത്തിയിരിക്കും.
ഇതുവഴി, കുട്ടികൾ കൂട്ടം തെറ്റിയാൽ പൊലീസ് എളുപ്പത്തിൽ രക്ഷിതാക്കളെ കണ്ടെത്താനും മറ്റ് ഭക്തന്മാർക്കും സഹായം നൽകാനുമാവുമെന്ന് പൊലീസ് വ്യക്തമാക്കി. വാഹനത്തിലേക്ക് തിരിച്ചെത്തുന്നതുവരെ തിരിച്ചറിയൽ ബാൻഡ് കൈവശം സൂക്ഷിക്കാൻ രക്ഷിതാക്കളോട് പോലീസ് അറിയിച്ചിട്ടുണ്ട്.
