തൃശൂര്: വേനലവധിയും വൈശാഖ മാസ തിരക്കും കണക്കിലെടുത്ത് കൂടുതല് ഭക്തര്ക്ക് ദര്ശന സൗകര്യം ഒരുക്കാന് ഗുരുവായൂര് ക്ഷേത്രത്തിലെ ദര്ശന സമയം ഒരു മണിക്കൂര് കൂടി നീട്ടാന് ദേവസ്വം ഭരണസമിതി യോഗം തീരുമാനിച്ചു.
ഏപ്രില് 1 മുതല് മേയ് 31 വരെ ക്ഷേത്രനട ഉച്ചതിരിഞ്ഞ് 3.30ന് തുറക്കും. ശീവേലി കഴിയുന്നതോടെ ഭക്തര്ക്ക് ദര്ശനം സാധ്യമാകും. നേരത്തെ വൈകീട്ട് നാലരയ്ക്കാണ് ക്ഷേത്രനട തുറന്നിരുന്നത്.
