മുരിയാട് ഗ്രാമപഞ്ചായത്തിലെ ഊരകം വെസ്റ്റ് 11-ാം വാർഡിലെ കതിർപ്പിള്ളി കുളം നവീകരണത്തിൻ്റെ പാതയിലേക്ക് . 37 വർഷത്തിന് ശേഷമാണ് കതിർപ്പിള്ളി കുളം നവീകരിക്കാനുള്ള നടപടികൾക്ക് തുടക്കമായത് . സർവ്വേ നടപടികൾ പൂർത്തീകരിച്ച് കുളം വൃത്തിയാക്കി കുളത്തിന് ചുറ്റും കരിങ്കൽ ഭിത്തികൾ ഉയർത്തി ആവശ്യമായ ലൈറ്റിങ്ങും നടപാതയും റാംപും അടക്കമുള്ള പ്രവർത്തികളാണ് നവീകരണത്തിൽ ഉൾപ്പെടുത്തിയിട്ടുള്ളത് .
ആദ്യഘട്ട പ്രവർത്തനം കുളത്തിനു ചുറ്റും കരിങ്കൽ ഭിത്തി കെട്ടി ഉയർത്തുകയും, കുളം വൃത്തിയാക്കുകയും റാമ്പു നിർമ്മിക്കുകയും ചെയ്യുക എന്നതാണ്. 2-ാം ഘട്ടത്തിൽ പാത്ത് വേയും ലൈറ്റിങ്ങും അടക്കമുള്ള പ്രവർത്തനങ്ങൾ നടക്കും. നഗര സഞ്ചയിക പദ്ധതിയിൽ ഉൾപ്പെടുത്തിയാണ് കുളം നവീകരിക്കപ്പെടുന്നത്.
കുളം നവീകരണ പ്രവർത്തനങ്ങളുടെ നിർമ്മാണോൽഘാടനം പഞ്ചായത്ത് പ്രസിഡന്റ് ജോസ്. ജെ. ചിറ്റിലപ്പിള്ളി നിർവൃഹിച്ചു. പുല്ലൂർ സർവ്വീസ് സഹകരണ ബാങ്ക് ഡയറക്ടർ ബോർഡ് മെമ്പർമാരായ ബാബു ചുക്കത്ത്, റിജു പോട്ടകാരൻ , ജോയ് പി.ടി , ബെന്നി കാരേപറമ്പിൽ , ജെയ്ക്കബ്ബ് പട്ടത്ത് , രാജൻ, തുടങ്ങിയവർ ചടങ്ങിൽ പങ്കെടുത്തു.
അസി. എഞ്ചിനിയർ സിമി സെബാസ്റ്റ്യൻ പദ്ധതി വിശദീകരിച്ചു.
