കേന്ദ്ര സർക്കാർ പദ്ധതികൾ പൂർണ്ണമായും ജനങ്ങളിലേയ്ക്ക് എത്തിയ്ക്കാൻ സംസ്ഥാന തലത്തിൽ ബി.ജെ പി യുടെ 30 സംഘടനാ ജില്ല കേന്ദ്രങ്ങളിൽ ഹെൽപ്പ് ഡെസ്ക് പ്രവർത്തനം തുടങ്ങുന്നതിന്റെ ഭാഗമായി വയനാട് ജില്ലാ ഓഫീസിൽ ഹെൽപ്പ് ഡസ്ക് പ്രവർത്തനം ആരംഭിച്ചു. കേന്ദ്ര പദ്ധതികളുമായി ബന്ധപ്പെട്ട എല്ലാ സഹായങ്ങളും പൊതുജനങ്ങൾക്ക് ഹെൽപ്പ് ഡസ്ക്കിലൂടെ ലഭ്യമാണു. ബി. ജെ.പി.മുൻ ദേശീയ കൗൺസിൽ മെമ്പർ പി.സി മോഹനൻ മാസ്റ്റർ ഭദ്രദീപം കൊളുത്തി ഉദ്ഘാടനം നിർവ്വഹിച്ചു. ഉദ്ഘാടനയോഗത്തിൽ ജില്ല പ്രസിഡന്റ് പ്രശാന്ത് മലവയൽ അദ്ധ്യക്ഷത വഹിച്ചു. എസ്ടി മോർച്ച സംസ്ഥാന പ്രസിഡന്റ് മുകുന്ദൻ പള്ളിയറ, മേഖല വൈസ് പ്രസിഡന്റ് പുനത്തിൽ രാജൻ, ജില്ല ജനറൽ സെക്രട്ടറിമാരായ എം.പി സുകുമാരൻ, TM സുബീഷ്, വിൽഫ്രഡ് ജോസ്, സംസ്ഥാന സമിതി അംഗം കെ .സദാനന്ദൻ, ശാന്തകുമാരി ടീച്ചർ എന്നിവർ ആശംസകൾ നേർന്നുകൊണ്ട് സംസാരിച്ചു. ജില്ലാ മണ്ഡലം നേതാക്കളും നിരവധി പ്രവർത്തകരും പങ്കെടുത്തു.
