തിരുവനന്തപുരം: തദ്ദേശ തെരഞ്ഞെടുപ്പിന് മുന്പ് വന് പ്രഖ്യാപനങ്ങളുമായി മുഖ്യമന്ത്രി പിണറായി വിജയന്. ക്ഷേമ പെന്ഷന് രണ്ടായിരം രൂപയാക്കി വര്ധിപ്പിച്ചു. നിലവിലുണ്ടായിരുന്ന 1600 രൂപയില് 400 രുപയാണ് കൂട്ടിയത്.
പ്രതിമാസം ആയിരം രൂപ സത്രീ സുരക്ഷാ പെന്ഷന് നല്കും. ട്രാന്സ് സ്ത്രീകള് അടക്കം പാവപ്പെട്ട സ്ത്രീകള്ക്കാണ് സഹായം. 33 ലക്ഷത്തിലേറെ സ്ത്രീകള്ക്ക് സഹായം കിട്ടും
അങ്കണവാടി വര്ക്കര്മാരുടെയും ഹെല്പ്പര്മാരുടെയും ഓണറേറിയം വര്ധിപ്പിച്ചു. ആയിരം രൂപയാണ് കൂട്ടിയത്. സാക്ഷരതാ പ്രേരക്മാരുടെ ഓണറേറിയം ആയിരം രൂപയാക്കിയെന്നും മുഖ്യമന്ത്രി വാര്ത്താ സമ്മേളനത്തില് അറിയിച്ചു.
പിഎം ശ്രീ പദ്ധതിയുമായി ബന്ധപ്പെട്ട് ധാരണപത്രം ഒപ്പിട്ടതില് വിവാദങ്ങളും ആശങ്കകളും ഉയര്ന്ന പശ്ചാത്തലത്തില് നടപടി പുനപരിശോധിക്കാന് മന്ത്രിസഭാ യോഗം തീരുമാനിച്ചതായി മുഖ്യമന്ത്രി പിണറായി വിജയന്. ഇക്കാര്യം പരിശോധിച്ച് റിപ്പോര്ട്ട് തയ്യാറാക്കുന്നതിനായി ഏഴ് അംഗങ്ങളുള്ള ഉപസമിതി രൂപീകരിച്ചു. ഉപസമിതിയുടെ റിപ്പോര്ട്ട് വരുന്നതുവരെ പിഎം ശ്രീയുമായി ബന്ധപ്പെട്ട തുടര്നടപടികള് നിര്ത്തിവയ്ക്കും. ഇക്കാര്യം കേന്ദ്രസര്ക്കാരിനെ കത്തുമൂലം അറിയിക്കും.
കെ രാജന്, റോഷി അഗസ്റ്റിന്, പി രാജീവ്, വി ശിവന് കുട്ടി, പി പ്രസാദ്, എകെ ശശീന്ദ്രന്, കെ കൃഷ്ണന്കുട്ടി എന്നിവരാണ് സമിതിയില് ഉണ്ടാകുക.
