ജനുവരി 25 മുതൽ ഫെബ്രുവരി 1 വരെ നടന്ന 16-ാമത് അന്താരാഷ്ട്ര നാടകോത്സവം മികച്ച രീതിയിൽ സംഘടിപ്പിച്ചതായി തൃശ്ശൂർ മേയർ ഡോ. നിജി ജസ്റ്റിൻ പറഞ്ഞു. ഇറ്റ്ഫോകിന്റെ സമാപന ചടങ്ങിൽ മുഖ്യാതിഥിയായി സംസാരിക്കുകയായിരുന്നു അവർ.തന്റെ കലാലയ ജീവിതത്തിലെ നാടക അനുഭവങ്ങളും ഓർമ്മകളും പങ്കുവെച്ച മേയർ, ഇത്തരത്തിലുള്ള നാടകോത്സവങ്ങൾ കൂടുതൽ പ്രോത്സാഹിപ്പിക്കേണ്ടതിന്റെ ആവശ്യകത ചൂണ്ടിക്കാട്ടി. തൃശ്ശൂർ കോർപ്പറേഷന്റെ ഭാഗത്ത് നിന്ന് കേരള സംഗീത നാടക അക്കാദമിക്ക് ആവശ്യമായ എല്ലാപിന്തുണയും നൽകുമെന്ന് അവർ പറഞ്ഞു.
