കൊച്ചി: സംസ്ഥാനത്ത് സ്വർണവിലയിൽ വീണ്ടും വൻ വർധന. ഒരു പവൻ സ്വർണത്തിന് ₹2,120 ഉയർന്നതോടെ വില ₹1,14,840 ആയി. ഗ്രാമിന് ₹265 വർധിച്ച് ഒരു ഗ്രാം സ്വർണത്തിന്റെ വില ₹14,355 എന്ന നിലയിലെത്തി. തുടർച്ചയായ ദിവസങ്ങളിലെ ചാഞ്ചാട്ടത്തിന് പിന്നാലെയാണ് ഇന്നത്തെ കുത്തനെ വിലക്കയറ്റം.
കഴിഞ്ഞ ഏതാനും ദിവസങ്ങളായി സ്വർണവിലയിൽ ഉയർച്ചയും ഇടിവും മാറിമാറി തുടരുകയാണ്. ഇന്നലെ രാവിലെ താഴ്ന്ന വില ഉച്ചയോടെ തിരികെ കയറുന്നതാണ് വിപണിയിൽ കണ്ടത്. ജനുവരി 29ന് രേഖപ്പെടുത്തിയ ₹1,31,160 ആണ് ഇതുവരെ ഉണ്ടായ ഏറ്റവും ഉയർന്ന റെക്കോർഡ് വില. ഡിസംബർ 23നാണ് സംസ്ഥാനത്ത് പവൻ സ്വർണത്തിന്റെ വില ആദ്യമായി ലക്ഷം കടന്നത്, തുടർന്ന് വില തുടർച്ചയായി കുതിക്കുകയായിരുന്നു.
