മുഖ്യമന്ത്രി സ്ഥാനത്തേക്ക് തെരഞ്ഞെടുത്ത വിഡി സതീശൻ ശക്തനും കാര്യക്ഷമനുമായ മുഖ്യമന്ത്രിയാകുമെന്ന് മുതിർന്ന കോൺഗ്രസ് നേതാവ് തിരുവഞ്ചൂർ രാധാകൃഷ്ണൻ പറഞ്ഞു.
ദീർഘദർശിയും കഴിവും നേതൃത്വശേഷിയും ഉള്ള നേതാവാണ് സതീശനെന്ന് തിരുവഞ്ചൂർ ചൂണ്ടിക്കാട്ടി. അതുകൊണ്ടുതന്നെ അദ്ദേഹം മികച്ച മുഖ്യമന്ത്രിയാകുമെന്ന ആത്മവിശ്വാസം തനിക്കുണ്ടെന്നും തിരുവഞ്ചൂർ വ്യക്തമാക്കി.
ജനങ്ങളുടെ പ്രതീക്ഷകൾ നിറവേറ്റാൻ കഴിയുന്ന ഒരു മികച്ച ടീം രൂപീകരിക്കേണ്ടതുണ്ടെന്നും അദ്ദേഹം വ്യക്തമാക്കി. കേന്ദ്ര നേതൃത്വത്തിൻ്റെ സമ്മതത്തോടെയാണ് ആ ടീം രൂപീകരിക്കേണ്ടതെന്നും അതിൻ്റെ ചുമതല “ക്യാപ്റ്റൻ” ആയ മുഖ്യമന്ത്രിക്കാണെന്നും അദ്ദേഹം പറഞ്ഞു.
കാര്യക്ഷമതയോടെയും ആത്മാർത്ഥതയോടെയും പ്രവർത്തിക്കാൻ കഴിയുന്ന ആളുകളെയാണ് മന്ത്രിസഭയിൽ ആവശ്യമുള്ളതെന്നും തിരുവഞ്ചൂർ കൂട്ടിച്ചേർത്തു.
