കെഎസ്ആര്ടിസി ഓര്ഡിനറി ബസുകളില് സ്ത്രീകള്ക്കുള്ള സൗജന്യയാത്ര ഇന്ന് മുതല് ആരംഭിക്കും. രാവിലെ 8.30ന് കേരള മുഖ്യമന്ത്രി വി.ഡി സതീശന് ഉദ്ഘാടനം ചെയ്യുന്നത് മുതലാണ് പദ്ധതി പ്രാബല്യത്തില് വരിക. തിരുവനന്തപുരം പാപ്പനംകോട് ഡിപ്പോയിലാണ് ഉദ്ഘാടനത്തിനായുള്ള ബസുകള് ഒരുങ്ങുന്നത്. ഉദ്ഘാടന ദിവസം കെഎസ്ആര്ടിസിയിലെ ആദ്യ വനിതാ ഡ്രൈവറായ പെരുമ്പാവൂര് ഡിപ്പോയിലെ ഡ്രൈവര് ഷീലയാണ് ബസ് ഓടിക്കുന്നത്. ഡ്രൈവര്ക്ക് പുറമെ കണ്ടക്ടറും വനിതയാണ്. മുഖ്യമന്ത്രിയും മന്ത്രിമാരും ഉള്പ്പെടെ 20 വിഐപികളാണ് ബസില് സഞ്ചരിക്കുക. തമ്പാനൂര് മുതല് സെക്രട്ടറിയേറ്റ് വരെയാണ് യാത്ര. 3,125 ബസുകളിലാണ് സൗജന്യയാത്ര പദ്ധതി നടപ്പിലാക്കിയിരിക്കുന്നത്.
ഓര്ഡിനറി വിഭാഗത്തിലെ ഏഴ് ക്ലാസുകളിലായാണ് സ്ത്രീകള്ക്ക് യാത്ര സൗജന്യമാക്കിയിരിക്കുന്നത്. ഓര്ഡിനറി, സിറ്റി ഓര്ഡിനറി, ലിമിറ്റഡ് സ്റ്റോപ്പ്/ഓര്ഡിനറി, ടൗണ് ടു ടൗണ്, ഫെയര്സ്റ്റേജ് ലിമിറ്റഡ് സ്റ്റോപ്, പോയിന്റ് ടു പോയിന്റ്/ഓര്ഡിനറി, ഗ്രാമവണ്ടി എന്നിവയാണ് സൗജന്യ യാത്ര ഏര്പ്പെടുത്തിയ ബസുകള്. പ്രായഭേദമന്യേ സ്ത്രീകള്ക്കും ട്രാന്സ്ജെന്റേഴ്സും പദ്ധതിയുടെ ഭാഗമായിട്ടുണ്ട്.
