സംസ്ഥാനത്ത് ഇന്ന് കനത്ത മഴ തുടരും. വടക്കന് ജില്ലകളില് ശക്തമായ മഴക്ക് സാധ്യതയുള്ളതിനാല് യെല്ലോ അലെര്ട്ട് പ്രഖ്യാപിച്ചിട്ടുണ്ട്. കോഴിക്കോട്, കണ്ണൂര്, കാസര്കോഡ് ജില്ലകളിലാണ് കേന്ദ്ര കാലാവസ്ഥ നിരീക്ഷണ വകുപ്പ് യെല്ലോ അലെര്ട്ട് നല്കിയിരിക്കുന്നത്. ചൊവ്വാഴ്ച വരെ കനത്ത മഴ തുടരുമെന്നും കാലാവസ്ഥ വകുപ്പ് അറിയിച്ചു.
കേരള, കര്ണാടക, ലക്ഷദ്വീപ് തീരങ്ങളില് മത്സ്യബന്ധനത്തിനും വിലക്കുണ്ട്. കോഴിക്കോട്, കണ്ണൂര്, കാസര്കോഡ് ജില്ലകളിലെ തീരങ്ങളില് ഉയര്ന്ന തിരമാലക്കും കടല്ക്ഷോഭത്തിനും സാധ്യതയുണ്ടെന്ന് സമുദ്രസ്ഥിതി പഠന ഗവേഷണ കേന്ദ്രം അറിയിച്ചു.
ഒറ്റപ്പെട്ട ശക്തമായ മഴക്ക് സാധ്യത ഉള്ളതുകൊണ്ട് ജനങ്ങള് ജാഗ്രത പാലിക്കണം. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കാനുള്ള സാഹചര്യമാണുള്ളത്.
