ന്യൂഡൽഹി: മുൻ കേന്ദ്രമന്ത്രി റാം വിലാസ് പാസ്വാൻ്റെ ജന്മവാർഷികത്തോടനുബന്ധിച്ച് പ്രധാനമന്ത്രി നരേന്ദ്ര മോദി ആദരാഞ്ജലി അർപ്പിച്ചു. സമൂഹത്തിലെ പിന്നാക്കവും ദുർബലവുമായ വിഭാഗങ്ങളുടെ ഉന്നമനത്തിനായി അദ്ദേഹം നൽകിയ സംഭാവനകൾ എന്നും ഓർമ്മിക്കപ്പെടുമെന്നും പ്രധാനമന്ത്രി പറഞ്ഞു.
പൊതുസേവനത്തിനും രാഷ്ട്രസേവനത്തിനും ജീവിതം സമർപ്പിച്ച നേതാവായിരുന്നു റാം വിലാസ് പാസ്വാനെന്ന് പ്രധാനമന്ത്രി അനുസ്മരിച്ചു. സമൂഹത്തിലെ അവശ വിഭാഗങ്ങളുടെ ക്ഷേമത്തിനായി അദ്ദേഹം നടത്തിയ പ്രവർത്തനങ്ങൾ രാജ്യത്തിന് വിലമതിക്കാനാവാത്ത സംഭാവനകളാണെന്നും മോദി വ്യക്തമാക്കി.
