ചോദ്യപേപ്പർ ചോർച്ച കേസുകളിൽ വേഗത്തിലുള്ള വിചാരണയും കുറ്റക്കാർക്ക് കർശന ശിക്ഷയും ഉറപ്പാക്കുന്നതിനായി ഫാസ്റ്റ് ട്രാക്ക് കോടതികൾ സ്ഥാപിക്കാൻ തീരുമാനിച്ചതായി പ്രധാനമന്ത്രി നരേന്ദ്ര മോദി അറിയിച്ചു.
ഇതിനായി ആവശ്യമായ എല്ലാ നടപടികളും സ്വീകരിക്കാൻ ബന്ധപ്പെട്ട ഉദ്യോഗസ്ഥർക്കും വകുപ്പുകൾക്കും നിർദേശം നൽകിയിട്ടുണ്ടെന്ന് പ്രധാനമന്ത്രി വ്യക്തമാക്കി. വിദ്യാർത്ഥികളുടെ താൽപര്യങ്ങൾ സംരക്ഷിക്കുന്നതിനായി സർക്കാർ സ്വീകരിക്കുന്ന നടപടികളുടെ തുടർച്ചയാണ് ഈ തീരുമാനമെന്നും അദ്ദേഹം പറഞ്ഞു.
രാജ്യത്തെ യുവതലമുറയുടെ ഭാവി തകർക്കാൻ ശ്രമിക്കുന്നവരെ യാതൊരു കാരണവശാലും വെറുതെ വിടില്ലെന്നും അത്തരം കുറ്റക്കാർക്കെതിരെ കർശന നടപടി സ്വീകരിക്കുമെന്നും പ്രധാനമന്ത്രി മുന്നറിയിപ്പ് നൽകി.
