വഡോദര: ഗുജറാത്തിലെ വഡോദരയിൽ ₹35,000 കോടിയിലധികം ചെലവുവരുന്ന വികസന പദ്ധതികൾക്ക് പ്രധാനമന്ത്രി നരേന്ദ്ര മോദി തറക്കല്ലിട്ടു, ഉദ്ഘാടനം നിർവഹിച്ച് രാജ്യത്തിന് സമർപ്പിച്ചു.
2,800 കിലോമീറ്റർ ദൈർഘ്യമുള്ള ഡെഡിക്കേറ്റഡ് ഫ്രെയ്റ്റ് കോറിഡോർ പൂർത്തിയാക്കിയതിനെ പ്രധാനമന്ത്രി രാജ്യത്തിൻ്റെ ഗതാഗത-വാണിജ്യ മേഖലയിലെ നിർണായക നേട്ടമായാണ് വിശേഷിപ്പിച്ചത്. ചരക്ക് ഗതാഗതം വേഗത്തിലാക്കുന്നതിനൊപ്പം യാത്രാസമയം, ഇന്ധനച്ചെലവ്, ചരക്ക് നീക്കച്ചെലവ് എന്നിവ കുറയ്ക്കാനും പരിസ്ഥിതി സംരക്ഷിക്കാനും പദ്ധതി സഹായിക്കുമെന്ന് അദ്ദേഹം പറഞ്ഞു.
വികസന പരിപാടിയുടെ ഭാഗമായി വഡോദര നിവാസികൾ നടത്തിയ ശുചീകരണ പ്രവർത്തനങ്ങളെയും സേവന മനോഭാവത്തെയും പ്രധാനമന്ത്രി പ്രത്യേകം അഭിനന്ദിച്ചു.
