ന്യൂഡൽഹി: സെപ്റ്റംബർ മാസത്തെ ‘മൻ കി ബാത്തിൽ’ 2016ലെ സർജിക്കൽ സ്ട്രൈക്കിന്റെ പത്താം വാർഷികം, രാജ്യത്തെ സെൻസസ് പ്രവർത്തനങ്ങൾ, വിശ്വഹിന്ദു പരിഷത്ത് നേതാവ് അശോക് സിംഗാളിന്റെ ജന്മശതാബ്ദി എന്നിവ പ്രധാനമന്ത്രി നരേന്ദ്ര മോദി പരാമർശിച്ചു.
2016 സെപ്റ്റംബർ 28, 29 തീയതികളിൽ നിയന്ത്രണരേഖ കടന്ന് ഭീകര കേന്ദ്രങ്ങൾക്കെതിരെ ഇന്ത്യൻ സൈന്യം നടത്തിയ സർജിക്കൽ സ്ട്രൈക്ക് ഇന്ത്യയുടെ ഭീകരവിരുദ്ധ നിലപാടിന്റെ ശക്തമായ സന്ദേശമായിരുന്നുവെന്ന് പ്രധാനമന്ത്രി പറഞ്ഞു. കഴിഞ്ഞ ഒരു ദശാബ്ദമായി ഭീകരവാദത്തിനെതിരെ രാജ്യം സീറോ ടോളറൻസ് നയം പിന്തുടരുകയാണെന്നും അദ്ദേഹം വ്യക്തമാക്കി.
രാജ്യത്തെ സെൻസസ് പ്രവർത്തനങ്ങളിൽ ജനങ്ങൾ സജീവമായി പങ്കെടുക്കണമെന്നും പ്രധാനമന്ത്രി ആഹ്വാനം ചെയ്തു. രാജ്യത്തെ 32 കോടിയിലധികം കുടുംബങ്ങളുടെ വിവരങ്ങൾ ഇതിനകം രേഖപ്പെടുത്തിയതായും ഓൺലൈൻ സെൽഫ് എൻയുമറേഷൻ സംവിധാനത്തിലൂടെ പൗരന്മാർക്ക് വിവരങ്ങൾ നൽകാമെന്നും അദ്ദേഹം പറഞ്ഞു.
അശോക് സിംഗാളിന്റെ നൂറാം ജന്മവാർഷികത്തിലും പ്രധാനമന്ത്രി ആദരാഞ്ജലി അർപ്പിച്ചു. സാംസ്കാരിക, സാമൂഹിക മേഖലകളിലെ അദ്ദേഹത്തിന്റെ സംഭാവനകളും രാമജന്മഭൂമി പ്രസ്ഥാനത്തിലെ പങ്കും പ്രധാനമന്ത്രി അനുസ്മരിച്ചു.
