ചെന്നൈ: തമിഴ്നാട്ടിൽ ഒക്ടോബർ 6ന് നടന്ന ഉപതിരഞ്ഞെടുപ്പുകളുടെ വോട്ടെണ്ണൽ പുരോഗമിക്കവെ ധാരാപുരത്ത് എഐഎഡിഎംകെ മുന്നിൽ. മദുരാന്തകത്ത് ഭരണകക്ഷിയായ ടിവികെ ലീഡ് തുടരുകയാണ്. പുതുച്ചേരിയിൽ ഭരണകക്ഷിയായ എഐഎൻആർസി സ്ഥാനാർഥികൾ മുന്നിലാണ്.
ആദ്യഘട്ടങ്ങളിൽ തമിഴ്നാട്ടിലെ രണ്ട് സംവരണ മണ്ഡലങ്ങളിലും ടിവികെ മുന്നിട്ടുനിന്നെങ്കിലും ധാരാപുരത്ത് രണ്ട് റൗണ്ട് വോട്ടെണ്ണൽ പൂർത്തിയായപ്പോൾ എഐഎഡിഎംകെയുടെ കെ. ഭാനുമതി 8,244 വോട്ടുകളുമായി മുന്നിലെത്തിയിരിക്കുകയാണ്. ടിവികെ സ്ഥാനാർത്ഥി പി. സത്യഭാമയ്ക്ക് 7,434 വോട്ടും ഡിഎംകെ സ്ഥാനാർത്ഥി എസ്. സുംഗന്യയ്ക്ക് 6,158 വോട്ടും ലഭിച്ചു. തിരഞ്ഞെടുപ്പ് കമ്മീഷന്റെ ഏറ്റവും പുതിയ കണക്കുകളാണിത്.
മദുരാന്തകത്ത് വോട്ടെണ്ണൽ പുരോഗമിക്കവെ എഐഎഡിഎംകെ ഡിഎംകെയെ മറികടന്ന് രണ്ടാം സ്ഥാനത്തെത്തി.
