ബെംഗളൂരു: കന്യാകുമാരി–ബെംഗളൂരു എക്സ്പ്രസ് (16525) ഒക്ടോബർ 1 മുതൽ കെഎസ്ആർ ബെംഗളൂരു സ്റ്റേഷനിൽ 20 മിനിറ്റ് വൈകി എത്തും. നിലവിൽ രാവിലെ 6.40ന് എത്തുന്ന ട്രെയിൻ ഇനി 7.00 മണിക്ക് മാത്രമേ എത്തുകയുള്ളൂ. ഇതിന് പുറമെ മറ്റു സ്റ്റേഷനുകളിലെത്തുന്ന സമയങ്ങളിൽ മാറ്റമില്ല. തിരിച്ചു പോകുന്ന കെഎസ്ആർ ബെംഗളൂരു–കന്യാകുമാരി എക്സ്പ്രസിന്റെ (16526) സമയത്തും മാറ്റമുണ്ടാകില്ല.
പുലർച്ചെ 5.18ന് ബെംഗളൂരു കന്റോൺമെന്റിലെത്തിയ ട്രെയിനിന്, 4 കിലോമീറ്റർ ദൂരം പിന്നിടാൻ 1 മണിക്കൂർ 42 മിനിറ്റ് പിടിക്കുമെന്ന് റിപ്പോർട്ടുകൾ സൂചിപ്പിക്കുന്നു. പ്ലാറ്റ്ഫോം ലഭ്യതക്കുറവ് മൂലമാണിത്. 944 കിലോമീറ്റർ ദൂരം 20 മണിക്കൂർ 30 മിനിറ്റിൽ കന്യാകുമാരി മുതൽ ബെംഗളൂരു വരെ കുതിച്ചുചെന്നു എത്തുന്ന ട്രെയിന് 43 സ്റ്റോപ്പുകളാണുള്ളത്.
