തിരുവനന്തപുരം: ശബരിമല തീർഥാടനത്തിനായി വെർച്വൽ ക്യൂ ബുക്കിങ് ആരംഭിച്ചു. 70,000 തീർഥാടകർക്ക് മാത്രം പ്രതിദിന ബുക്കിങ് അനുവദിക്കുമെന്ന് ദേവസ്വം ബോർഡ് അറിയിച്ചു. ഭക്തർ ആരും ദർശനം ലഭിക്കാതെ മടങ്ങില്ലെന്ന് ഉറപ്പ് നൽകുകയും, 80,000 പേർക്കുള്ള അവസരത്തെക്കുറിച്ച് കൂടിയാലോചനകൾക്കുശേഷം തീരുമാനമെടുക്കുമെന്നും ബോർഡ് വ്യക്തമാക്കി.
മണ്ഡല മകരവിളക്ക് തീർഥാടനകാലത്ത്, ഓൺലൈൻ രജിസ്ട്രേഷൻ ചെയ്യാതെ ശബരിമലയിൽ എത്തുന്നവർക്കും ദർശനം സുഗമമാക്കാനുള്ള നടപടികൾ സർക്കാർ ഉറപ്പാക്കിയതായി മുഖ്യമന്ത്രി പിണറായി വിജയൻ നിയമസഭയിൽ പ്രഖ്യാപിച്ചു.
തീർഥാടകർക്ക് കൂടുതൽ സൗകര്യങ്ങൾ ഉറപ്പാക്കുന്നതിനുള്ള നടപടികൾ ദേവസ്വം ബോർഡ് സ്വീകരിക്കുന്നുണ്ടെന്ന് സർക്കാർ ആവർത്തിച്ചു.
